വൈത്തിരി(വയനാട്): വയനാട് വൈത്തിരിയില്‍ യുവാവ് കൊക്കയില്‍ വീണ് മരിച്ചു. കല്‍പറ്റ പെരുന്തട്ട സ്വദേശ് അഭിജിത് ആണ് മരിച്ചത്. വൈത്തിരി മേലെ തളിമല ഭാഗത്തെ കൊക്കയില്‍ വീണാണ് അപകടം. കൂടെയുണ്ടായിരുന്ന സുഹൃത്ത് ശ്രീഹരിയെ പരുക്കുകളോടെ ആശുപത്രിയില്‍ പ്രവേശിപ്പിച്ചു.

തളിമലയില്‍ നിന്ന് എട്ടു കിലോമീറ്റര്‍ കുത്തനെയുള്ള മേലെ തളിമല പാത്തി എന്ന കൊക്കയിലേക്കാണ് ഇവര്‍ വീണത്. ഇവരോടൊപ്പം നാലുപേര്‍ കൂടിയുണ്ട്. ഓണം ആഘോഷിക്കാനെത്തിയതായിരുന്നു ആറംഗ സംഘം. സഞ്ചാര നിയന്ത്രണമുള്ള പ്രദേശമാണിത്.