കണ്ണൂര്‍: ഫ്രണ്ട്‌സ് ഓഫ് കണ്ണൂര്‍ കുവൈറ്റ് എക്‌സ്പാറ്റ്‌സ് അസോസിയേഷന്‍ (ഫോക്) കലാ-കായിക-സാമൂഹിക മേഖലയിലെ സമഗ്രസംഭവനയ്ക്കു നല്‍കാറുള്ള ഒന്‍പതാമത് ഗോള്‍ഡന്‍ ഫോക് പുരസ്‌കാരം പ്രമുഖ തെയ്യം കലാകാരന്‍ ടി.പി കുഞ്ഞിരാമപ്പെരുവണ്ണാന്. 25,000 രൂപയും പ്രശസ്തിപത്രവും വെങ്കല ശില്‍പവുമടങ്ങുന്ന പുരസ്‌കാരം സെപ്റ്റംബര്‍ മൂന്നിനു പയ്യന്നൂര്‍ യമുനാതീരം റിസോര്‍ട്ടില്‍ വിതരണം ചെയ്യും. വാര്‍ത്താസമ്മേളനത്തില്‍ കെ.കെ മാരാര്‍, കെ.കെ.ആര്‍ വെങ്ങര, ദിനകരന്‍ കൊമ്പിലാത്ത്, കെ ഷൈമേഷ്, സൂര്യ നാരായണന്‍ പങ്കെടുത്തു.