കല്‍പ്പറ്റ: ജില്ലയില്‍ വര്‍ധിച്ചുവരുന്ന അനധികൃത കുന്നിടിക്കലും നെല്‍വയലുകള്‍ നികത്തുന്നതും നിയന്ത്രിക്കാന്‍ അധികൃതര്‍ നടപടിയെടുത്ത് ജില്ലയിലെ തനത് ജലസ്രോതസുകള്‍ സംരക്ഷിക്കണമെന്ന് എ.ഐ.വൈ.എഫ് ജില്ലാ പ്രതിനിധി സമ്മേളനം ആവശ്യപ്പെട്ടു.
പ്രതിനിധി സമ്മേളനം എ.ഐ.വൈ.എഫ് മുന്‍ ദേശീയ ജന. സെക്രട്ടറി പി. സന്തോഷ്‌കുമാര്‍ ഉദ്ഘാടനം ചെയ്തു. ജില്ലാ പ്രസിഡന്റ് എന്‍. ഫാരിസ് അധ്യക്ഷനായി. വിജയന്‍ ചെറുകര, പി.കെ മൂര്‍ത്തി, പി. ഗവാസ്, ആര്‍. സജിലാല്‍, വിനു ഐസക്, സി.എസ് സ്റ്റാന്‍ലിന്‍, വി.എം സുധീഷ്, കെ രമേശ്, പി.ഇ ജോര്‍ജ്കുട്ടി, ലെനി സ്റ്റാന്‍സ് ജേക്കബ് സംസാരിച്ചു.
പുതിയ ഭാരവാഹികളായി വിനു ഐസക് (സെക്ര), ലെനി സ്റ്റാന്‍സ് ജേക്കബ്, രഞ്ജിത്ത് കമ്മന, പടയന്‍ ഇബ്രാഹിം (ജോ. സെക്ര.), എന്‍ ഫാരിസ് (പ്രസി.), റിജോഷ് ബേബി, റിയാസ് തിരുവാള്‍, സന്ധ്യ വിനോദ് (വൈ. പ്രസി.) എന്നിവരെ തെരഞ്ഞെടുത്തു.