ദുബൈ: യുഎഇയിൽ താമസിക്കുന്ന പ്രവാസി ഇന്ത്യക്കാർക്ക് (NRI) 2025-2026 സാമ്പത്തിക വർഷത്തേക്കുള്ള ഇന്ത്യൻ ആദായനികുതി റിട്ടേൺ (ITR) സമർപ്പിക്കാനുള്ള അവസാന തീയതി ജൂലൈ 31 ആണെന്ന് ഓർമ്മിപ്പിച്ച് അധികൃതരും നികുതി വിദഗ്ധരും. സമയപരിധി പാലിച്ചില്ലെങ്കിൽ പിഴയും വിവിധ നികുതി ആനുകൂല്യങ്ങളുടെ നഷ്ടവും നേരിടേണ്ടി വരും.

യുഎഇയിൽ ലഭിക്കുന്ന ശമ്പളത്തിന് ഇന്ത്യയിൽ നികുതി നൽകേണ്ടതില്ലെങ്കിലും, ഇന്ത്യയിലെ നിക്ഷേപങ്ങളിൽ നിന്നോ ആസ്തികളിൽ നിന്നോ വരുമാനമുള്ളവർ റിട്ടേൺ സമർപ്പിക്കേണ്ടതുണ്ട്.

NRE അക്കൗണ്ടിലെ സമ്പാദ്യം ഉപയോഗിച്ച് ഇന്ത്യയിലെ മ്യൂച്വൽ ഫണ്ടുകൾ, ഓഹരികൾ, മറ്റ് ആസ്തികൾ എന്നിവയിലെ നിക്ഷേപങ്ങളിൽ നിന്ന് ലഭിക്കുന്ന മൂലധന നേട്ടം, നികുതി വിധേയമായ വരുമാനമുള്ളവർ അല്ലെങ്കിൽ സ്രോതസ്സിൽ നികുതി (TDS) പിടിച്ചിട്ടുള്ളവർ, അധികമായി ഈടാക്കിയ TDS റീഫണ്ട് ക്ലെയിം ചെയ്യുന്നതിനും ഇരട്ട നികുതി ഒഴിവാക്കൽ കരാറിന്റെ (DTAA) ആനുകൂല്യം നേടുന്നതിനും റിട്ടേൺ സമർപ്പിക്കണം.

വരുമാനം അടിസ്ഥാന ഇളവ് പരിധിയായ 4 ലക്ഷം രൂപയിൽ താഴെയാണെങ്കിലും, നിർദ്ദിഷ്ട നിബന്ധനകൾ (ഒരു കോടിയിലധികം കറന്റ് അക്കൗണ്ട് നിക്ഷേപം, വിദേശ യാത്രയ്ക്ക് 2 ലക്ഷത്തിലധികം ചെലവ്, ഒരു ലക്ഷത്തിന് മുകളിൽ വൈദുതി ബിൽ, ₹25,000-ത്തിന് മുകളിലുള്ള TDS/TCS തുടങ്ങിയവ) പാലിക്കുന്നവരും ഐടിആർ ഫയൽ ചെയ്യണം.

ആവശ്യമായ രേഖകളും ഫയലിംഗ് രീതിയും

പാൻ (PAN) കാർഡ്, വരുമാന വിശദാംശങ്ങൾ, ബാങ്ക്/നിക്ഷേപ സ്റ്റേറ്റ്‌മെന്റുകൾ, capital gains പ്രസ്താവനകൾ, TDS സർട്ടിഫിക്കറ്റുകൾ എന്നിവ സഹിതം ആദായനികുതി വകുപ്പിന്റെ ഇ-ഫയലിംഗ് പോർട്ടൽ (www.incometax.gov.in) വഴി ഓൺലൈനായി അപേക്ഷിക്കാം.

ഇന്ത്യ-യുഎഇ ഇരട്ട നികുതി ഒഴിവാക്കൽ കരാർ (DTAA) പ്രകാരം ആനുകൂല്യം നേടാൻ ഫെഡറൽ ടാക്സ് അതോറിറ്റിയുടെ എമാരാടാക്സ് (tax.gov.ae) പോർട്ടൽ വഴി ടാക്സ് റെസിഡൻസി സർട്ടിഫിക്കറ്റ് (TRC) ലഭ്യമാക്കാവുന്നതാണ്.

വൈകിയാൽ ഉണ്ടാകുന്ന പ്രത്യാഘാതങ്ങൾ

ജൂലൈ 31-നകം ഫയൽ ചെയ്യാൻ സാധിച്ചില്ലെങ്കിൽ 2026 ഡിസംബർ 31 വരെ പിഴയോടെ റിട്ടേൺ സമർപ്പിക്കാം. 5 ലക്ഷത്തിന് മുകളിൽ വരുമാനമുള്ളവർക്ക് 5,000 രൂപയും, അതിന് താഴെയുള്ളവർക്ക് 1,000 രൂപയുമാണ് വൈകിയ ഫയലിംഗ് ഫീസ്. 

Indian expatriates in the UAE are reminded to file their Income Tax Returns before the July 31 deadline, ensuring compliance and avoiding penalties under India's tax regulations.