വെള്ളമുണ്ട: വലവിരിച്ചത് മീനിന്, വീണത് ഒന്നാന്തരം പെരുമ്പാമ്പ്. വാരാമ്പറ്റ പുഴയില്‍ ആദിവാസി യുവാക്കള്‍ വിരിച്ച വലയിലാണ് 20 കിലോ തൂക്കവും 3 മീറ്റര്‍ നീളവുമുള്ള പെരുമ്പാമ്പ് കുടുങ്ങിയത്.
മുന്‍ പഞ്ചായത്തംഗം ടി.കെ മമ്മൂട്ടി വിവരമറിയിച്ചതിനെ തുടര്‍ന്ന് വെള്ളമുണ്ട ഫോറസ്റ്റ് ഓഫിസര്‍ ജോണ്‍സണ്‍ കെ.ബി യുടെ നേതൃത്വത്തിലുള്ള വനംവകുപ്പ് ഉദ്യോഗസ്ഥരെത്തി പാമ്പിനെ വാളാരംകുന്ന് വനത്തില്‍ വിട്ടയച്ചു.
പെരുംപാമ്പിനെ കാണാന്‍ രാവിലെ മുതല്‍ ആള്‍ക്കാര്‍ പ്രദേശത്ത് തടിച്ച്കൂടിയിരുന്നു. കൊച്ചാറ കോളനിയിലെ യുവാക്കളാണ് മീനിനായി വലവിരിച്ചത്.