കുട്ടനാട്: ആര്‍.എസ്.എസ് പ്രവര്‍ത്തകര്‍ തമ്മിലുണ്ടായ വാക്കുതര്‍ക്കത്തെ തുടര്‍ന്നു നേതാവിന് കുത്തേറ്റു.
ആര്‍.എസ്.എസ് മണ്ഢല്‍ കാര്യവാഹക് കാവാലം നെടുഞ്ചിറവീട്ടില്‍ സുരേഷിനാണ് കുത്തേറ്റത്. കാവാലത്തു നടന്ന ശോഭയാത്രയില്‍ പങ്കെടുത്തവരാണ് സുരേഷും പ്രതിയായ പുഞ്ചായില്‍ പ്രശാന്തും . യാത്രയ്ക്കിടെ ജാഥയുടെ നേതൃത്വം സംബന്ധിച്ച ഇരുവരും തമ്മില്‍ തര്‍ക്കവും ഉന്തും തള്ളുമുണ്ടായി. യാത്ര കഴിഞ്ഞശേഷം പിരിഞ്ഞു പോകും വഴി ഇരുവരും തമ്മില്‍ വീണ്ടും തര്‍ക്കവും കയ്യാങ്കളിയുമുണ്ടായി.
തര്‍ക്കം മൂത്തതോടെ പ്രശാന്ത് കൈവശമുണ്ടായിരുന്ന കത്തിയെടുത്ത് സുരേഷിന്റെ വയറിലും നെഞ്ചിലും കുത്തുകയായിരുന്നു. ഗുരുതരമായി പരുക്കേറ്റ സുരേഷിനെ കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.