മക്ക: ഈ വർഷത്തെ വിശുദ്ധഹ ഹജ്ജ് കർമ്മങ്ങൾക്കായി പുണ്യ നഗരികളിൽ ഒരുക്കങ്ങൾ പൂർത്തിയായി. ഹജ്ജ് കർമ്മങ്ങൾ നടക്കുന്ന മക്ക, അറഫ, മിന, മുസ്‌ദലിഫ, ജംറകൾ എന്നിവിടങ്ങളിലെ ഒരുക്കങ്ങളാണ് പൂർത്തിയായത്. ഞായർ മുതൽ ഹജ്ജ് മാസം ആരംഭിക്കുന്നതോടെ ഇനി മുതൽ ഹാജിമാരെ സ്വീകരിക്കാനുള്ള തയ്യാറെടുപ്പിലാണ് ഹജ്ജ് ഉംറ മന്ത്രാലയ അധികൃതർ. ദുൽഹിജ്ജ എട്ട് മുതലാണ് ഹജ്ജ് കർമ്മങ്ങൾക്ക് തുടക്കമാകുകയെങ്കിലും ഏഴിന് വൈകീട്ട് തന്നെ ഹാജിമാരെ മിനയിലേക്ക് എത്തി തുടങ്ങും.

അതേസമയം, ഈ വർഷത്തെ ഹ​ജ്ജ് ര​ജി​സ്ട്രേ​ഷ​ൻ ന​ട​പ​ടി​ക​ൾ പൂ​ർ​ത്തി​യാ​യ​താ​യി സഊദി ഹ​ജ്ജ് ഉം​റ മ​ന്ത്രാ​ല​യം അ​റി​യി​ച്ചു. അഞ്ചര ലക്ഷത്തിലധികം അപേക്ഷകരിൽ നിന്ന് അറുപതിനായിരം ആളുകളെയാണ് തിരഞ്ഞെടുത്തത്. ഇവരിൽ സ്വദേശികൾക്കൊപ്പം സഊദിക്കകത്തെ വിദേശ പൗരന്മാരും ഉണ്ട്. വി​ദേ​ശി​ക​ളി​ൽ 150 ഓ​ളം രാ​ജ്യ​ങ്ങ​ളി​ൽ നി​ന്നു​ള്ള​വ​രു​ണ്ടെ​ന്നും മ​ന്ത്രാ​ല​യം വി​ശ​ദീ​ക​രി​ച്ചു. ഇന്ത്യക്കാർ എത്രയാണെന്ന് വ്യക്തമല്ല. ഏതാനും മലയാളികൾക്കും കുടുംബ സമേതം ഹജ്ജിന് അവസരം ലഭിച്ചിട്ടുണ്ട്. ദു​ൽ​ഹ​ജ്ജ് എട്ടിന് മുന്നോടിയായി തീ​ർ​ഥാ​ട​ക​ർ മ​ക്ക​യി​ലെ​ത്തും.

കൊ​വി​ഡ്​ പ​ശ്ചാ​ത്ത​ല​ത്തി​ൽ ആ​ഭ്യ​ന്ത​ര തീ​ർ​ഥാ​ട​ക​ർ​ക്കു​ മാ​ത്ര​മാ​യി ഹ​ജ്ജ്​ പ​രി​മി​ത​പ്പെ​ടു​ത്തി​യി​ട്ടു​ണ്ടെ​ങ്കി​ലും​ തീ​ർ​ഥാ​ട​ക​രു​ടെ ആ​രോ​ഗ്യ​സു​ര​ക്ഷ​ക്ക്​ ഏ​റ്റ​വും മു​ന്തി​യ പ​രി​ഗ​ണ​ന ന​ൽ​കി​ക്കൊ​ണ്ടു​ള്ള സം​വി​ധാ​ന​ങ്ങ​ളാ​ണ്​ ഒരുക്കിയിരിക്കുന്നത്. മ​ക്ക​യി​ലെ ആ​​ശു​പ​ത്രി​ക​ൾ​ക്കു​ പു​റ​മെ പു​ണ്യ​സ്ഥ​ല​ങ്ങ​ളി​ൽ നാ​ല്​​ ആ​ശു​പ​ത്രി​ക​ളും ആ​റ്​ മെ​ഡി​ക്ക​ൽ സെൻറ​റു​ക​ളും സജ്ജമാണ്. കൂ​ടാ​തെ, മൊ​ബൈ​ൽ ആ​ശു​പ​ത്രി​യും സ​ജ്ജ​മാ​ണ്. ഇവയെല്ലാം ഏറ്റവും നൂതന സംവിധാനങ്ങളോടെ സജ്ജമാക്കിയതാണ്. ഇത് കൂടാതെ, പുണ്യ നഗരികളിൽ സൂ​ര്യാ​ത​പ​മേ​ൽ​ക്കു​ന്ന​വ​രെ ചി​കി​ത്സി​ക്കാ​ൻ 45 പ്ര​ത്യേ​ക കേന്ദ്രങ്ങളും സജ്ജീകരിച്ചിട്ടുണ്ട്. ഇ​തി​ൽ 23 എ​ണ്ണം ജ​ബ​ലു​റ​ഹ്​​മ​യി​ലും 22 എ​ണ്ണം മി​ന താ​ഴ്​​വ​ര​യി​ലു​മാ​ണ്. കൂടാതെ, എയർ ആംബുലൻസുകളും കൊവിഡ് മാനദണ്ഡങ്ങൾ പൂർണ്ണമായി നടപ്പാക്കാനായി പ്രത്യേക പ്രോട്ടോകോളുകളും സജ്ജമാണ്.