പ്രമുഖ തൊഴിലന്വേഷണ പ്ലാറ്റ്‌ഫോമായ ലിങ്ക്ഡ് ഇന്‍ പുതിയ എതിരാളി വരുന്നു. അതെ എക്‌സില്‍ ഇനി തൊഴിലന്വേഷണത്തിനുള്ള സൗകര്യവും. ഇതിന്റെ ഭാഗമായി പുതിയ ഫീച്ചര്‍ എക്‌സില്‍ അവതരിപ്പിച്ചിരിക്കുകയാണ്. 

ലിങ്ക്ഡ്ഇന്‍ എന്ന പ്രൊഫഷണല്‍ നെറ്റ് വര്‍ക്ക് വെബ്‌സൈറ്റുമായുള്ള മത്സരത്തിനാണ് ഇത് വഴിയൊരുക്കുക.  വെബ് ഡെവലപ്പറായ നിവ ഔജിയാണ് എക്‌സിലെ പുതിയ ഫീച്ചര്‍ പരിചയപ്പെടുത്തിയത്. പുതിയ ഫീച്ചര്‍ ഉപയോഗിച്ച് ഉപഭോക്താക്കള്‍ക്ക് തൊഴില്‍ അന്വേഷിക്കാനാവും. 

എക്‌സ്പീരിയന്‍സിന്റെ അടിസ്ഥാനത്തില്‍ സെര്‍ച്ച് റിസല്‍ട്ട് ഫില്‍ട്ടര്‍ ചെയ്യാം. പ്രത്യേകം കമ്പനികളില്‍ നിന്നുള്ള തൊഴിലവസരങ്ങളും സെര്‍ച്ച് ചെയ്യാനാകും. ഇതിനകം തന്നെ പത്ത് ലക്ഷത്തിലേറെ തൊഴിലവസരങ്ങള്‍ എക്‌സില്‍ പങ്കുവച്ചിട്ടുണ്ട്.