27 ലിറ്റര്‍ കള്ള് പിടിച്ചെടുത്തുഏറ്റുമാനൂര്‍: ഏറ്റുമാനൂരിലും പരിസരപ്രദേശങ്ങളിലും എക്‌സൈസ് സംഘം ഇന്നലെ നടത്തിയ വ്യാപകമായ റെയ്ഡില്‍ രണ്ടു കള്ളുഷാപ്പുകള്‍ക്കെതിരെ കേസെടുത്തു. രണ്ടു ജീവനക്കാരെ അറസ്റ്റു ചെയ്തു, 27 ലിറ്റര്‍ കള്ള് പിടിച്ചെടുത്തു.
സമയക്രമം പാലിക്കാതെ തുറന്നു പ്രവര്‍ത്തിച്ച ഷാപ്പുകള്‍ക്കെതിരെയാണ് കേസ് രജിസ്റ്റര്‍ ചെയ്തത്. ഏറ്റുമാനൂര്‍ ടൗണിലും, മാന്നാ നത്തിനടുത്തുമുള്ള രണ്ട് ഷാപ്പുകളില്‍ നിന്നാണ് രണ്ടു ജീവനക്കാരെ അറസ്റ്റു ചെയ്തത്.
രാവിലെ 9 മണി മുതല്‍ രാത്രി 9 മണിവരെയാണ ഷാപ്പുകളുടെ പ്രവര്‍ത്തന സമയം. എന്നാല്‍ പലയിടങ്ങളിലും അതിരാവിലെ തുറന്ന് രാത്രി വളരെ വൈകി അടയ്ക്കുന്ന പ്രവണത ശ്രദ്ധയില്‍പ്പെട്ടതിനെ തുടര്‍ന്ന് എക്‌സൈസ് കമ്മീഷണര്‍ ഋഷിരാജ് സിങ്ങിന്റെ നിര്‍ദ്ദേശപരകാരമാണ് ബുധനാഴ്ച റെയ്ഡ് നടന്നത്. രാവിലെ 7.30 നും 8 മണിക്കുമിടക്ക് തുറന്ന് പ്രവര്‍ത്തിച്ച ഷാപ്പുകള്‍ക്കെതിരെയാണ് കേസെടുത്തത്.