ന്യൂഡല്‍ഹി: ബഹുഭാര്യത്വത്തെ എതിര്‍ക്കുന്ന നിലപാടാണ് ബി.ജെ.പിക്കും പാര്‍ട്ടി ഭരിക്കുന്ന കേന്ദ്ര, സംസ്ഥാന സര്‍ക്കാരുകള്‍ക്കുമുള്ളത്. ബഹുഭാര്യത്വം നിരോധിക്കാനുള്ള നീക്കങ്ങളും ബി.ജെ.പി സര്‍ക്കാരുകള്‍ തുടങ്ങിയിട്ടുണ്ട്. അസമിലെ ഹിമന്ത ബിശ്വശര്‍മയാണ് ഇക്കാര്യത്തില്‍ നടപടിക്രമങ്ങള്‍ ഏറെക്കുറേ പൂര്‍ത്തിയാക്കിയിരിക്കുന്നത്.

ബഹുഭാര്യത്വം നിരോധിക്കുന്നതിനുള്ള ബില്ലിന് 45 ദിവസത്തിനുള്ളില്‍ അന്തിമരൂപം നല്‍കുമെന്ന് ഹിമന്ത ബിശ്വ ശര്‍മ്മ കഴിഞ്ഞദിവസം അറിയിച്ചു. ഡിസംബറില്‍ ചേരുന്ന നിയമസഭാ സമ്മേളനത്തില്‍ ബില്ല് കൊണ്ടുവരാനാണ് നീക്കം. നിര്‍ദിഷ്ട ബില്ലിനെക്കുറിച്ച് പൊതുജനാഭിപ്രായം തേടിയപ്പോള്‍ 149 പേര്‍ പ്രതികരിച്ചതായും ഇതില്‍ 146 നിര്‍ദ്ദേശങ്ങള്‍ ബില്ലിന് അനുകൂലവും ബഹുഭാര്യത്വം നിരോധിക്കുന്നതിന് പിന്തുണ നല്‍കുന്നതുമാണെന്നും അദ്ദേഹം പറഞ്ഞു.

ഒരുഭാഗത്ത് ബഹുഭാര്യത്വം നിരോധിക്കാനുള്ള നീക്കവുമായി ബി.ജെ.പി മുന്നോട്ടുപോകുമ്പോള്‍, ബി.ജെ.പിയുടെ നേതാക്കളില്‍ ഒന്നിലധികം ഭാര്യമാരുള്ളവര്‍ ധാരാളമുണ്ടെന്ന് സമൂഹമാധ്യമങ്ങള്‍ ചൂണ്ടിക്കാട്ടുന്നു. സമൂഹമാധ്യമങ്ങളില്‍ ഇത്തരം നേതാക്കളുടെ പട്ടികയും പ്രചരിക്കുന്നുണ്ട്. ഒന്നിലധികം ഭാര്യമാരുള്ള പ്രധാന ബി.ജെ.പി നേതാക്കള്‍ ഇവരാണ്:

1-അര്‍ജുന്‍ലാല്‍ മീണ: ഉദയ്പൂരില്‍ നിന്നുള്ള ബി.ജെ.പി എംപിയാണ് മീണ. കഴിഞ്ഞ വര്‍ഷം കര്‍വാ ചൗത്ത് ഉത്സവം തന്റെ രണ്ട് ഭാര്യമാര്‍ക്കൊപ്പം, അതായത് മീനാക്ഷിക്കും രാജകുമാരിക്കുമൊപ്പം ആഘോഷിക്കുന്ന നേതാവിന്റെ ചിത്രം വൈറലായിരുന്നു.

2- സമ്രാത് മൗര്യ: മധ്യപ്രദേശിലെ മുതിര്‍ന്ന ബി.ജെ.പി നേതാവും മുന്‍ പഞ്ചായത്ത് തലവനുമാണ്. ഇദ്ദേഹത്തിന് രണ്ടല്ല, മൂന്നു ഭാര്യമാരാണ് ഉള്ളത്. എന്തുകൊണ്ട് ഒന്നില്‍കൂടുതല്‍ ആയിക്കൂടാ…? മൗര്യ തന്നെ തന്നെ ന്യായീകരിക്കുന്നു.

3- രാജു നാരായണ്‍ തോഡ്‌സം: മഹാരാഷ്ട്രയിലെ അര്‍നിയില്‍ നിന്നുള്ള ബി.ജെ.പി എം.എല്‍.എയാണ് രാജു നാരായണ്‍. രാഷ്ട്രീയത്തിന്റെയും ദാമ്പത്യത്തിന്റെയും കാര്യത്തില്‍ ചിലപ്പോള്‍ ഒരാള്‍ മാത്രം മതിയാകില്ലെന്നാണ് നേതാവിന്റെ വിശ്വാസം.

4- ബാബന്റാവു ലോനിക്കര്‍: മഹാരാഷ്ട്രയില്‍ നിന്നുള്ള മുന്‍ ബി.ജെ.പി മന്ത്രിയാണ് ബബന്‍ റാവു. രണ്ട് തവണ എം.എല്‍.എയായി. ബി.ജെ.പി സംസ്ഥാന വൈസ് പ്രസിഡന്റും ആയിരുന്നു. സത്യവാങ്മൂലത്തില്‍ ഒരു ഭാര്യമാത്രമാണെന്ന് പറഞ്ഞത് വിവാദത്തിനിയാക്കിയിരുന്നു.

5- ധര്‍മേന്ദ്ര കശ്യാപ്പ്: ഉത്തര്‍പ്രദേശിലെ ഔനിയയില്‍നിന്നുള്ള ബി.ജെ.പി മുന്‍ ലോക്‌സഭാംഗമാണ് ധര്‍മേന്ദ്ര.

6- ധനഞ്ജയ് മുണ്ടെ: രണ്ടുമാസം മുമ്പ് ബി.ജെ.പി വിട്ട് എന്‍.സി.പിയില്‍ എത്തിയെങ്കിലും ബി.ജെ.പി നേതാവായിരിക്കെയാണ് ധനഞ്ജയ് മുണ്ടെ രണ്ടു ഭാര്യമാരെ വിവാഹം കഴിച്ചത്. ഇപ്പോഴത്തെ ഏക്‌നാഥ് ഷിന്‍ഡെ മന്ത്രിസഭാംഗമാണ്. കൂടാതെ ബി.ജെ.പി യുവജനവിഭാഗം മുന്‍ അധ്യക്ഷനുമായിരുന്നു.

While some BJP leaders have multiple spouses, Assam chief minister Himanta Biswa Sarma is aiming to ban polygamy in the state