പയ്യോളി • ഷാർജയിൽ നിന്ന് കരിപ്പൂർ വിമാനത്താവളത്തിലെത്തി കാണാതായ പയ്യോളി കിഴൂർ ഐശ്വര്യയിൽ കെ.പി രാമകൃഷ്ണൻ്റെ മകൻ പ്രദീഷിനെ (45) മൈസൂരുവിൽ കണ്ടെത്തി.
സെൻട്രൽ ബസ് സ്റ്റാൻ്റിലെ സി.സി.ടി.വിയിൽ പതിഞ്ഞതോടെ നടത്തിയ അന്വേഷണത്തിലാണ് ബന്ധുക്കളുടെ സഹായത്തോടെ പ്രദീഷിനെ കണ്ടെത്തിയത്.
കഴിഞ്ഞ 23ന് മൈസൂരുവിലെത്തിയതായി സി.സി.ടി.വിയിൽ നിന്ന് വ്യക്തമായിരുന്നു. നടപടിക്രമങ്ങൾ പൂർത്തിയാക്കി പ്രദീഷിനെ ഇന്ന് നാട്ടിലെത്തിച്ചേക്കും.
പയ്യോളി സി.ഐ കെ.സി സുഭാഷ് ബാബു, എസ്.ഐ കെ.ടി രാജേഷ് എന്നിവരുടെ നേതൃത്വത്തിലാണ് കേസന്വേഷണം. പ്രദീഷ് കുടുംബത്തോടൊപ്പം ഷാർജയിലാണ്. 22ന് ഭാര്യ ജോലിക്ക് പോയി തിരിച്ചെത്തിയപ്പോഴാണ് കാണാതായതായി വ്യക്തമാവുന്നത്. തുടർന്ന് ഭാര്യ നാട്ടിലെ ബന്ധുക്കളെ വിളിച്ചറിയിക്കുകയായിരുന്നു.