നാദാപുരം: പ്രതിപക്ഷ നേതാവ് രമേശ് ചെന്നിത്തല ഇന്ന് നാദാപുരത്തെത്തും. പ്രതിപക്ഷ നേതാവായതിനു ശേഷംആദ്യമായാണ് അദ്ദേഹം നാദാപുരത്തെത്തുന്നത്.
ഉച്ചയ്ക്കു രണ്ടിന് നാദാപുരം വി.എ.കെ ഹാളില്‍ നടക്കുന്ന അവാര്‍ഡ് ദാന ചടങ്ങില്‍ മുതിര്‍ന്ന കോണ്‍ഗ്രസ് നേതാവായ വാണിയൂര്‍ അന്ത്രുവിന് രണ്ടാമത് അരൂര്‍ പത്മനാഭന്‍ സ്മാരക കാപ്‌കോസ് അവാര്‍ഡ് പ്രതിപക്ഷ നേതാവ് സമ്മാനിക്കും. കാപ്‌കോസ് പ്രസിഡന്റ് അഡ്വ. ഐ. മൂസ അധ്യക്ഷനാകും. ശേഷം സി.പി.എം പ്രവര്‍ത്തകര്‍ വെട്ടിക്കൊലപ്പെടുത്തിയ മുഹമ്മദ് അസ്‌ലമിന്റെ വീടും സന്ദര്‍ശിക്കും. നാദാപുരം മേഖലയില്‍ സമാധാനത്തിനായി പൊലിസ് മേധാവികളുമായി ചര്‍ച്ച നടത്തും.