പയ്യോളി: ആധുനിക സൗകര്യത്തോടെ പയ്യോളിയില്‍ ആരംഭിച്ച മത്സ്യമാര്‍ക്കറ്റിന്റെ പ്രവര്‍ത്തനോദ്ഘാടനം നഗരസഭാ ചെയര്‍പേഴ്‌സന്‍ അഡ്വ. പി. കുത്സു നിര്‍വഹിച്ചു. കേന്ദ്ര സര്‍ക്കാരിന്റെ 90 ലക്ഷവും സംസ്ഥാന സര്‍ക്കാരിന്റെ 25 ലക്ഷവും ചേര്‍ത്താണു മത്സ്യമാര്‍ക്കറ്റ് കെട്ടിടം നിര്‍മിച്ചത്. 14 ലക്ഷം രൂപ ചെലവില്‍ വേസ്റ്റ് വാട്ടര്‍ ട്രീറ്റ്‌മെന്റ് പ്ലാന്റും ഏര്‍പ്പെടുത്തിയിട്ടുണ്ട്. നഗരസഭാ വൈസ് ചെയര്‍മാന്‍ മഠത്തില്‍ നാണു അധ്യക്ഷനായി. സജിനി കോഴിപ്പറമ്പത്ത്, കെ.വി ചന്ദ്രന്‍, കൂടയില്‍ ശ്രീധരന്‍, എം.വി സമീറ, ഉഷ വളപ്പില്‍, കെ.ടി ലിഗേഷ്, വി.എം ശാഹുല്‍ ഹമീദ്, സി.പി ഫാത്വിമ, ടി. അബ്ദുന്നാസര്‍, ടി.പി പ്രജീഷ്‌കുമാര്‍ സംസാരിച്ചു.