മതിയായ തെളിവില്ല; ഗ്രോ വാസുവിനെ വെറുതേ വിട്ടു

കോഴിക്കോട്: മനുഷ്യാവകാശ പ്രവര്‍ത്തകന്‍ ഗ്രോ വാസുവിനെ കോടതി വെറുതേവിട്ടു. കേസില്‍ മതിയായ തെളിവുകളില്ലെന്ന് കണ്ട് കുന്ദമംഗലം ഫസ്റ്റ് ക്ലാസ് മജിസ്‌ട്രേറ്റ് കോടതിയാണ് വാസുവിനെ വെറുതേവിട്ടത്.

മാവോയിസ്റ്റുകള്‍ വെടിയേറ്റു മരിച്ച സംഭവവുമായി ബന്ധപ്പെട്ട് മെഡി.കോളജ് മോര്‍ച്ചറി പരിസരത്ത് സംഘം ചേര്‍ന്നുവെന്ന കേസിലാണ് ഗ്രോ വാസു അറസ്റ്റിലായത്.

ജൂലൈ 29ന് ഗ്രോ വാസുവിനെ പൊലീസ് അറസ്റ്റ് ചെയ്തത്. തുടർന്ന് പിഴയടക്കാതിരിക്കുകയും കോടതി നടപടിക്രമങ്ങൾ പാലിക്കാൻ തയ്യാറാവാതിരിക്കുകയും ചെയ്തതിനെ തുടർന്ന് ഗ്രോ വാസുവിനെ റിമാൻഡ് ചെയ്യുകയായിരുന്നു.