മലപ്പുറം: എസ്.കെ.എസ്.എസ്.എഫ് ജില്ലാ ത്വലബാ വിംഗ് ലീഡേഴ്‌സ് മീറ്റ് ഇന്ന് മലപ്പുറം സുന്നിമഹല്‍ ഓഡിറ്റോറിയത്തില്‍ നടക്കും. ഉച്ചക്ക് 2.30 ന് രജിസ്‌ട്രേഷന്‍ ആരംഭിക്കും. പാണക്കാട് സയ്യിദ് മുഈനലി ശിഹാബ് തങ്ങള്‍ ഉദ്ഘാടനം ചെയ്യും. റഹീം മാസ്റ്റര്‍ ചുഴലി ക്ലാസെടുക്കും. മഹാന്മാരെ സ്മരിക്കുന്ന ബൃഹത്തായ പദ്ധതിയായ തിദ്കാറിന്റെ ജില്ലാ തല ഉദ്ഘാനവും സ്ഥാപന സര്‍വേ ഉദ്ഘാടനവും നടക്കും. ത്വലബാ വിംഗ് ഏരിയാ, മേഖലാ ഭാരവാഹികളും മുഴുവന്‍ ദര്‍സ് അറബിക് കോളജിലെ പ്രതിനിധികളും പങ്കെടുക്കണമെന്ന് ഭാരവാഹികള്‍ അറിയിച്ചു. യോഗത്തില്‍ ശാക്കിര്‍ ഫൈസി കാളാട് അധ്യക്ഷനായി. സയ്യിദ് ഉമറുല്‍ ഫാറൂഖ് തങ്ങള്‍, റാഷിദ് ഫൈസി വേങ്ങര, ഫളലുറഹ്മാന്‍ ഫൈസി ഏപ്പിക്കാട്, റഫീഖ് നെല്ലിക്കുത്ത്, മുഹമ്മദലി കാവനൂര്‍, മുഈനുദ്ദീന്‍ വളയംകുളം, നജീബുള്ള പള്ളിപ്പുറം, ഹാഫിള് ഇര്‍ഷാദ് മാമ്പുഴ പങ്കെടുത്തു. അബ്ദുള്ള മുജ്തബ ആനക്കര സ്വാഗതവും റഹീം പകര നന്ദിയും പറഞ്ഞു.