ന്യൂഡല്‍ഹി: പ്രധാനമന്ത്രി നരേന്ദ്ര മോദിയുടെ ഉപദേശകരിലൊരാളായ അമര്‍ജീത് സിന്‍ഹ രാജിവച്ചു. കഴിഞ്ഞവര്‍ഷം ഫെബ്രുവരിയിലാണ് ഇദ്ദേഹം പ്രധാനമന്ത്രിയുടെ ഉപദേശകനായത്.

സിന്‍ഹയുടെ രാജിയുടെ പിന്നിലുളള കാര്യം വ്യക്തമല്ല. പ്രധാനമന്ത്രിയുടെ ഓഫിസില്‍ നിന്ന് സമീപ കാലത്ത് രാജിവയ്ക്കുന്ന രണ്ടാമത്തെ ഉയര്‍ന്ന ഉദ്യോഗസ്ഥനാണ് അമര്‍ജീത് സിങ്. ഇക്കഴിഞ്ഞ മാര്‍ച്ചില്‍ പ്രിന്‍സിപ്പല്‍ സെക്രട്ടറിയായ പി.കെ സിന്‍ഹയും രാജിവച്ചിരുന്നു.

ബിഹാര്‍ കേഡറിലെ 1983 ബാച്ച് ഐ.എ.എസ് ഉദ്യോഗസ്ഥനാണ് സിന്‍ഹ. ഗ്രാമീണ വികസന മന്ത്രാലയം സെക്രട്ടറിയായിരുന്ന സിന്‍ഹ വിരമിച്ചതിന് ശേഷമാണ് പ്രധാനമന്ത്രിയുടെ ഉപദേശകനായി നിയമിതനായത്.