മാത്തൂര്‍: പതിര് വേര്‍തിരിക്കാന്‍ നെല്ല് കാറ്റത്തിടുന്നതിനിടെ വാടകക്കെടുത്ത ഫാനില്‍നിന്ന് ഷോക്കേറ്റ് കര്‍ഷകന്‍ മരിച്ചു. മാത്തൂര്‍ ചുങ്കമന്ദം പ്ലാക്കല്‍ വീട്ടില്‍ ദാമോദരനാണ് (60) മരിച്ചത്.

തിങ്കളാഴ്ച ഉച്ചക്ക് വീട്ടുമുറ്റത്ത് നെല്ലുണക്കവേയാണ് ഷോക്കേറ്റത്. ഉടന്‍ പാലക്കാട്ടെ സ്വകാര്യ ആശുപത്രിയില്‍ എത്തിച്ചെങ്കിലും മരിച്ചു. പോസ്റ്റ്‌മോര്‍ട്ടം നടത്തി. സംസ്‌കാരം ചൊവ്വാഴ്ച രാവിലെ. ഭാര്യ: അനിത. മക്കള്‍: ആര്യലക്ഷ്മി, അരുണ്‍.