കൊല്ലം: ബോട്ട് നിയന്ത്രണവിട്ടു മണല്‍തിട്ടയില്‍ ഇടിച്ചു തകര്‍ന്ന് ഒരു മത്സ്യത്തൊഴിലാളി മരിച്ചു. ആലപ്പാട് ശ്രായിക്കാട് സ്വദേശിയായ സുഭാഷ് ആണ് മരിച്ചത്. ബോട്ടിലുണ്ടായിരുന്ന ഏഴ് മത്സ്യത്തൊഴിലാളികളെ രക്ഷപ്പെടുത്തി.

കൊല്ലം അഴീക്കലില്‍ നിന്നാണ് ഇവര്‍ മീന്‍ പിടിക്കാന്‍ പോയത്. കായംകുളം പൊഴിക്ക് സമീപത്ത് ഇന്ന് പുലര്‍ച്ചെ 4.40ന് ആയിരുന്നു അപകടം. തിരയില്‍പ്പെട്ട് നിയന്ത്രണവിട്ട ബോട്ട് മണല്‍തിട്ടയില്‍ ഇടിച്ചു രണ്ടായി പിളരുകയായിരുന്നു. ബോട്ട് പൂര്‍ണമായി തകര്‍ന്നു.