തിരുവനന്തപുരം: പിഴ ചുമത്തല്‍ ഉള്‍പെടെ കേരളത്തില്‍ പൊലിസിന്റെ കൊവിഡ് കാലത്തെ പ്രവര്‍ത്തനത്തിന് ക്ലീന്‍ ചിറ്റ് നല്‍കി മുഖ്യമന്ത്രി പിണറായി വിജയന്‍. പൊലിസ് നടപടികളെ പൂര്‍ണമായി ന്യായീകരിച്ച അദ്ദേഹം പൊലിസിനെതിരെ പ്രചാരവേല നടക്കുന്നെന്നും കുറ്റപ്പെടുത്തി. പിഴ ചുമത്തുന്നത് മഹാ അപരാധം എന്ന മട്ടില്‍ കാണരുതെന്നും പൊലിസ് ചെയ്യുന്നത് ഏല്‍പ്പിച്ച ചുമതല മാത്രമാണെന്നും പിണറായി വിജയന്‍ പറഞ്ഞു.

അട്ടപ്പാടി ഷോളയൂരില്‍ ആദിവാസി മൂപ്പനെയും മകനെയും അറസ്‌റ് ചെയ്ത സംഭവത്തില്‍ പ്രതിപക്ഷത്തിന്റെ അടിയന്തിര പ്രമേയത്തിന് മറുപടി നല്‍കുകയായിരുന്നു അദ്ദേഹം. കുടുംബ കലഹമാണ് തര്‍ക്കത്തിന് കാരണം. ക്രമസമാധാനം നിലനിര്‍ത്താനാണ് പൊലിസ് ശ്രമിച്ചത്. പൊലിസിന്റേത് സ്വാഭാവിക നടപടിയാണെന്നും മുക്യമന്ത്രി ചൂണ്ടിക്കാട്ടി.

വട് ലക്കി ഊര് മൂപ്പന്‍ ചൊറിയ മൂപ്പനും ബന്ധു കുറുന്താ ചലവും തമ്മില്‍ ആയിരുന്നു തര്‍ക്കം. കുറുന്താചലത്തിന്റെ പരാതിയിലായിരുന്നു കേസ്.