ആലപ്പുഴ:ഉപ തിരഞ്ഞെടുപ്പ് ഫലം പുറത്തുവന്നപ്പോള്‍ നാട്ടുകാര്‍ തന്നെ ഞെട്ടി. ഇഞ്ചോടിഞ്ച് പോരാട്ടമെന്നൊക്കെ പറയാറില്ലേ.അത് ഇതാണ്. വാര്‍ഡിലെ ഇരുപാര്‍ട്ടികള്‍ക്കും നാട്ടുകാര്‍ നല്‍കിയ വോട്ട് 168 വോട്ട് വീതം. ആലപ്പുഴ മുട്ടാര്‍ പഞ്ചായത്തിലെ അഞ്ചാം വാര്‍ഡ് ഉപതെരഞ്ഞെടുപ്പിലാണ് രസകരമായ ഫലം.
എല്‍.ഡി.എഫ് -യുഡിഎഫ് സ്ഥാനാര്‍ത്ഥികള്‍ തുല്യവോട്ട് നേടിയതോടെ വിജയം പ്രഖ്യാപിച്ച് നറുക്കെടുപ്പിലൂടെ. അവിടെ വിജയം തുണച്ചത് എല്‍.ഡി.എഫിലെ ആന്റണിയെയും. അദ്ദേഹത്തെ വിജയിയായും പ്രഖ്യാപിച്ചു.
വാര്‍ഡിലെ ഇരുപാര്‍ട്ടികളും 168 വോട്ട് വീതമാണ് നേടിയത്. മുന്‍ കൗണ്‍സിലറായ യു.ഡി.എഫ് അംഗം മരിച്ചതിനെ തുടര്‍ന്നാണ് ഉപതെരഞ്ഞെടുപ്പ് നടന്നത്.
കണ്ണൂര്‍ ആറളം പത്താം വാര്‍ഡ് ഉപതിരെഞ്ഞെടുപ്പില്‍ എല്‍.ഡി.എഫ് സ്ഥാനാര്‍ഥി യു.കെ.സുധാകരന്‍ 137 വോട്ടിന് ജയിച്ചു. ഇതോടെ പഞ്ചായത്ത് ഭരണം എല്‍.ഡി.എഫ് നിലനിര്‍ത്തി.