ജറുസലേം: അധിനിവേശ കിഴക്കന്‍ ജറുസലേമില്‍ ക്രിസ്ത്യാനികളുടെ മത ചിഹ്നങ്ങള്‍ ഉപയോഗിച്ചുള്ള ഘോഷയാത്രക്ക് നേരെയും ക്രിസ്ത്യന്‍ ആരാധനാലയങ്ങള്‍ക്ക് നേരെയും ഒരു കൂട്ടം തീവ്ര ജൂത വിഭാഗം തുപ്പിയതില്‍ ന്യായീകരണവുമായി ഇസ്‌റാഈല്‍ ദേശീയ സുരക്ഷാ മന്ത്രി ബെന്‍ ഗിവര്‍.അല്‍ അറബി ടിവിയുടെ റിപ്പോര്‍ട്ടുകള്‍ പ്രകാരം പഴയ നഗരത്തില്‍ താമസിക്കുന്ന ക്രിസ്ത്യന്‍ പുരോഹിതരെ ലക്ഷ്യം വെക്കുന്ന തരത്തിലായിരുന്നു ക്രൈസ്തവരുടെ മതചിഹ്നങ്ങള്‍ക്കും ആരാധനാലയങ്ങള്‍ക്കും നേരെ ഒരു കൂട്ടം തീവ്ര ജൂത വിഭാഗക്കാര്‍ ആക്രമണം നടത്തിയത്. സംഭവവുമായി ബന്ധപ്പെട്ട് നാല് പേരെ ഇസ്‌റാഈല്‍ പൊലിസ് കസ്റ്റഡിയിലെടുത്തിട്ടുണ്ട്.

ക്രിസ്ത്യാനികള്‍ക്ക് നേരെ തുപ്പുന്നത് ഒരു ക്രിമിനല്‍ കുറ്റമല്ലെന്നും തുപ്പിയവര്‍ക്ക് നേരെയുള്ള പൊലിസ് നടപടിയില്‍ തെറ്റില്ലെങ്കിലും എന്നാല്‍ അതിനെ ഉയര്‍ത്തി കാട്ടി ഇസ്‌റാഈലിനെ അപമാനിക്കാനാണ് പലരും ശ്രമിക്കുന്നതെന്നുമാണ് ദേശീയ സുരക്ഷാ മന്ത്രിയായ ഇദ്മാര്‍ ബെന്‍ ഗിവര്‍ വിഷയത്തെക്കുറിച്ച് പ്രതികരിച്ചത്. മുമ്പ് ക്രിസ്ത്യാനികള്‍ക്ക് നേരെ തുപ്പുന്നത് 'പരമ്പരാഗത ജൂത ആചാരത്തില്‍' പെട്ടതാണെന്ന് പറഞ്ഞ വ്യക്തിയാണ് ബെന്‍ ഗിവര്‍. പാശ്ചാത്യ സംസ്ക്കാരത്തിന്റെ സ്വാധീനത്തിൽപ്പെട്ട് ക്രിസ്തുമതം എന്തെന്ന് ഭൂരിഭാ​ഗം യഹൂദരും മറക്കുന്നെന്നും, കുരിശുയുദ്ധം, സ്പാനിഷ് വിചാരണ, കൂട്ടക്കൊലകൾ തുടങ്ങി പലതരത്തിലും ക്രിസ്ത്യാനികൾ യഹൂദരെ ദ്രോഹിച്ചത് മറക്കാൻ പാടില്ലെന്നും സംഭവത്തെ ന്യായീകരിച്ചു കൊണ്ട് ബെൻ ​ഗിവർ കൂട്ടിച്ചേർത്തു.

അതേസമയം ജറുസലേമിലും അധിനിവേശ പ്രദേശങ്ങളിലും ക്രിസ്ത്യാനികള്‍ക്ക് നേരെ തീവ്ര ജൂത ഗ്രൂപ്പുകള്‍ നടത്തുന്ന അക്രമങ്ങളില്‍ മാര്‍പാപ്പ അസ്വസ്ഥനാണെന്ന് ജറുസലേമിലെ അസംബ്ലി ഓഫ് കാത്തലിക്ക് ഓര്‍ഡിനറിയുടെ വക്താവായ വാദി അബു നാസര്‍ മാധ്യമങ്ങളോട് പ്രതികരിച്ചു.

Israeli settlers spit at church in occupied Jerusalem, today, while marking the Jewish holiday of Sukkot. pic.twitter.com/vy4N7Rmz4f

— PALESTINE SUNBIRD ?? (@SBPal_Eng) October 4, 2023

Content Highlights:spitting christians jerusalem not criminal ben gvir