ദുബൈ: യു.എ.ഇ അജ്മാനിലെ പാര്‍ക്കുകളിലും ബീച്ചുകളിലും ബാര്‍ബിക്യൂ, ഷീഷ എന്നിവ നിരോധിച്ചു. അജ്മാന്‍ നഗരസഭയാണ് ഉത്തരവിറക്കിയത്. ജനങ്ങളുടെ ആരോഗ്യവും സുരക്ഷിതത്വവും ഉറപ്പ് വരുത്താനാണ് നടപടി. ഉത്തരവ് ലംഘിക്കുന്നവര്‍ക്കെതിരേ പിഴ ഈടാക്കുമെന്ന് നഗരസഭ പൊതുജനാരോഗ്യ പരിസ്ഥിതി വകുപ്പ് വ്യക്തമാക്കി.താമസക്കാര്‍ക്കും സന്ദര്‍ശകര്‍ക്കും ആരോഗ്യകരവും വൃത്തിയുള്ളതുമായ അന്തരീക്ഷം നല്‍കുക എന്ന ലക്ഷ്യത്തിലാണ് അജ്മാന്‍ നഗരസഭ ചെയര്‍മാന്‍ ശൈഖ് റാഷിദ് ബിന്‍ ഹുമൈദ് അല്‍ നുഐമിയുടെ നിര്‍ദേശത്തെതുടര്‍ന്ന് നടപടി.