'ഫലസ്തീന്‍: പീഡിത ജനതക്ക് ഐക്യദാര്‍ഢ്യം' യുദ്ധവിരുദ്ധ വലയം തീര്‍ക്കാന്‍ യൂത്ത്‌ലീഗ്

കോഴിക്കോട്: ഫലസ്തീന്‍: 'പീഡിത ജനതക്ക് ഐക്യദാര്‍ഢ്യം' എന്ന പ്രമേയത്തില്‍ മുസ്‌ലിം യൂത്ത് ലീഗ് സംസ്ഥാന കമ്മിറ്റി യുദ്ധവിരുദ്ധ വലയം സംഘടിപ്പിക്കുന്നു. ഒക്ടോബര്‍ 12ന് രാത്രി എട്ട് മണിക്ക് കോഴിക്കോട് മാനാഞ്ചിറയിലാണ് പരിപാടി.

ഇസ്‌റാഈല്‍-ഹമാസ് പോരാട്ടം അതിശക്തമായി തുടരുകയാണ്. ഫലസ്തീനെതിരെ വ്യോമാക്രമണത്തിന് പുറമേ കരവഴിയുള്ള ആക്രമണവും ശക്തമാക്കുകയാണ് ഇസ്‌റാഈല്‍. യു.എസ് പിന്തുണയും ഇസ്‌റാഈലിനുണ്ട്.

ഹമാസ് ആക്രമണത്തിൽ കൊല്ലപ്പെട്ട 16 സൈനികരുടെ പേരുവിവരം ഇസ്‌റാഈൽ പുറത്തുവിട്ടു. ഇതോടെ കൊല്ലപ്പെട്ട സൈനികരുടെ എണ്ണം 73 ആയി. ഹമാസ് പോരാളികൾ രാജ്യത്ത് നുഴഞ്ഞുകയറിയതായി ഇസ്‌റാഈൽ വ്യക്തമാക്കി. 11 സൈനിക ക്യാമ്പുകളിലും 20 താമസ കേന്ദ്രങ്ങളിലും ഹമാസ് പോരാളികൾ നുഴഞ്ഞുകയറിയെന്ന് ഇസ്‌റാഈൽ ബ്രോഡ്കാസ്റ്റിങ് അതോറിറ്റി അറിയിച്ചു.

'ഫലസ്തീന്‍: പീഡിത ജനതക്ക് ഐക്യദാര്‍ഢ്യം' യുദ്ധവിരുദ്ധ വലയം തീര്‍ക്കാന്‍ യൂത്ത്‌ലീഗ്