ചീരാല്‍: ഗവ. മോഡല്‍ ഹയര്‍ സെക്കന്‍ഡറി സ്‌കൂളില്‍ നിന്നും 2005ല്‍ എസ്.എസ്.എല്‍.സി പഠനം പൂര്‍ത്തിയാക്കി ന്യൂസിലന്റ് ക്യാന്‍ബറി യൂനിവേഴ്‌സിറ്റിയില്‍ നിന്നും നാനോ കെമിസ്ട്രിയില്‍ ഡോക്ടറേറ്റ് കരസ്ഥമാക്കിയ ഡോ. വിവേക് ബാലചന്ദ്രന് സ്‌കൂള്‍ പി.ടി.എയുടെയും അധ്യാപകരുടെയും വിദ്യാര്‍ഥികളുടെയും ആഭിമുഖ്യത്തില്‍ സ്വീകരണം നല്‍കി.
യോഗം സുല്‍ത്താന്‍ ബത്തേരി ബ്ലോക്ക് പഞ്ചയാത് പ്രസിഡന്റ് ലത ശശി ഉദ്ഘാടനം ചെയ്തു. പി.ടി.എ പ്രസിഡന്റ് കെ.വി ശശി അധ്യക്ഷനായി.
യോഗത്തില്‍ പി റീന, വി.ടി ബേബി, മല്ലിക സോമശേഖരന്‍, ചന്ദ്രബാബു, മണി മാസ്റ്റര്‍, പി.എ അബ്ദുള്‍നാസര്‍, സുരേഷ് ബാബു, നിഷ, കമലം, ഷബീര്‍, അലന്‍, സുരേഷ് കെ.എസ് സംസാരിച്ചു.