ആലപ്പുഴ: സമൂഹത്തില്‍ പടര്‍ന്നു കൊണ്ടിരിക്കുന്ന കാന്‍സറിനെതിരെ വിദ്യാര്‍ത്ഥികള്‍ ജാഗ്രത പാലിക്കണമെന്നും സമൂഹത്തില്‍ അവബോധം വളര്‍ത്തണമെന്നും ലജ്‌നത്തുല്‍ മുഹമ്മദിയ്യ ഹയര്‍സെക്കണ്ടറി സ്‌കൂള്‍ മാനേജര്‍ എ. എം നസീര്‍ അഭിപ്രായപ്പെട്ടു. സ്‌കൂളില്‍ സംഘടിപ്പിച്ച ക്യാപ് അറ്റ് ക്യാമ്പസ് എന്ന പരിപാടി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
യോഗത്തില്‍ പിറ്റി.എ പ്രസിഡന്റ് എ. കെ ഷൂബി അധ്യക്ഷത വഹിച്ചു. ലജ്‌നത്തുല്‍ മുഹമ്മദിയ്യ ജനറല്‍ സെക്രട്ടറി എ. ഹബീബ് മുഹമ്മദ് , പ്രിന്‍സിപ്പല്‍ ടി. എ അഷ്‌റഫ് കുഞ്ഞാശാന്‍, ഹെഡ്മിസ്ട്രസ് ഖദീജ ബീവി, പ്രോഗ്രാം കോഓഡിനേറ്റര്‍ എം. എ സദ്ദീഖ് എന്നിവര്‍ സംസാരിച്ചു. ക്യാപ് ക്യാമ്പസ് കോഓഡിനേറ്റര്‍ ടിനോ ടോമി, ട്രെയിനര്‍ ഡോ. സന്തോഷ് അറയ്ക്കല്‍ എന്നിവര്‍ ക്ലാസുകള്‍ നയിച്ചു.