മട്ടാഞ്ചേരി: ഉപജില്ലാ സ്‌കൂള്‍ ഗെയിംസ് ഖോഖോ മത്സരത്തില്‍ സീനിയര്‍ ആണ്‍കുട്ടികളുടെ വിഭാഗത്തില്‍ കുമ്പളങ്ങി ഔവര്‍ ലേഡി ഓഫ് ഫാത്തിമ സ്‌കൂള്‍ ഒന്നും, പുത്തന്‍ത്തോട് ഗവ. സ്‌കൂള്‍ രണ്ടും, ചെല്ലാനം സെന്റ്. മേരീസ് സ്‌കൂള്‍ മൂന്നും സ്ഥാനക്കാരായി.
സീനിയര്‍ പെണ്‍കുട്ടികളുടെ വിഭാഗത്തില്‍ കുമ്പളങ്ങി സെന്റ്. പീറ്റേഴ്‌സ് സ്‌കൂള്‍ ഒന്നാം സ്ഥാനം നേടി. ചെല്ലാനം സെന്റ്. മേരീസ് സ്‌കൂള്‍ ,പുത്തന്‍തോട് ഗവ. സ്‌കൂള്‍ എന്നീ വിദ്യാലയങ്ങള്‍ രണ്ടും, മൂന്നും സ്ഥാനങ്ങള്‍ കരസ്ഥമാക്കി.ജൂനിയര്‍ ആണ്‍കുട്ടികളുടെ വിഭാഗത്തില്‍ ചെല്ലാനം സെന്റ് മേരീസ് സ്‌കൂള്‍ ഒന്നും, കുമ്പളങ്ങി സെന്റ് പീറ്റേഴ്‌സ് രണ്ടും, പുത്തന്‍ തോട് ഗവ. സ്‌കൂള്‍ മൂന്നും സ്ഥാനക്കാരായി .ജൂനിയര്‍ പെണ്‍കുട്ടികളുടെ വിഭാഗത്തില്‍ ചെല്ലാനം സെന്റ് മേരീസ്, പള്ളുരുത്തി എസ്.ഡി.പി.വൈ സ്‌കൂള്‍, പുത്തന്‍തോട് ഗവ.സ്‌കൂള്‍ എന്നിവ യഥാക്രമം ഒന്നും, രണ്ടും, മൂന്നും സ്ഥാനക്കാരായി. മത്സരങ്ങള്‍ ചെല്ലാനം സെന്റ് .മേരീസ് സ്‌കൂള്‍ പ്രധാന അദ്ധ്യാപകന്‍ സാന്‍ജോ സേവ്യര്‍ ഉദ്ഘാടനം ചെയ്തു. വി.ജെ പീറ്റര്‍ അധ്യക്ഷത വഹിച്ചു.