തൊടുപുഴ:മൂന്നാറില്‍ രണ്ടിടത്ത് ഉരുള്‍പൊട്ടല്‍. കുണ്ടള ഡാമിന് സമീപവും മൂന്നാര്‍ എക്കോപോയിന്റിലുമാണ് ഉരുള്‍പൊട്ടിയത്. കുണ്ടളയ്ക്ക് സമീപം പുതുക്കിടിയില്‍ മണ്ണിടിച്ചിലുണ്ടായി. പുതുക്കിടിയില്‍ വിനോദസഞ്ചാരികളുടെ വാഹനത്തിന് മുകളിലേക്കാണ് മണ്ണിടിഞ്ഞ് വീണത്. മണ്ണിനടിയില്‍പ്പെട്ട വാഹനത്തിനുള്ളില്‍ ഡ്രൈവര്‍ കുടുങ്ങി കിടക്കുന്നതായി സൂചന.

പ്രദേശത്ത് ശക്തമായി മഴ തുടരുന്നതിനാല്‍ രക്ഷാപ്രവര്‍ത്തനം തടസത്തിലാണ്. കനത്ത മഴയെ തുടര്‍ന്ന് ട്രെമ്പോ ട്രാവലറിന് മുകളില്‍ മണ്ണിടിഞ്ഞു വീഴുകയായിരുന്നു. മാട്ടുപ്പെട്ടി റോഡില്‍ വന്‍ഗതാഗതക്കുരുക്കാണ്.
ഉടന്‍ തന്നെ ഡ്രൈവര്‍ ഒഴികെയുള്ളവരെ നാട്ടുകാര്‍ രക്ഷപ്പെടുത്തി.