കരുനാഗപ്പള്ളി: ഇരുചക്രവാഹനത്തില്‍ കടത്തിയ 30 ലിറ്റര്‍ ചാരായം കരുനാഗപ്പള്ളി എക്‌സൈസ് ഇന്‍സ്‌പെക്ടറുടെ നേതൃത്വത്തിലുള്ള സംഘം പിടികൂടി. നിരവധി കഞ്ചാവ് കേസിലെ പ്രതിയായ കാര്‍ത്തികപ്പള്ളി
കൃഷ്ണപുരം ചിങ്ങോലില്‍ വീട്ടില്‍ രാജനെ(52)യാണ് എക്‌സൈസ് ഇന്‍സ്‌പെക്റ്റര്‍ ജി ഗോപകമാറിന്റെ നേതൃത്വത്തിലുള്ള സംഘ ഓച്ചിറയില്‍ നിന്ന് പിടികൂടിയത്.
ഓണം സ്‌പെഷ്യല്‍ റെയിഡിന്റെ ഭാഗമായുള്ള വാഹന പരിശോധനയ്ക്കിടയിലാണ് രാജന്‍ പിടിയിലായത്. ഓണക്കാലത്ത് വില്‍ക്കാനായി തയാറാക്കിയതാണ് ചാരായം.റെയിഡില്‍ പ്രിവവന്റീവ് ഓഫിസര്‍ അന്‍വര്‍, സി.ഇ.ഒ.മാരായ ശ്യാം,വിജ, ശ്യാംദാസ്, സന്തോഷ്, എം.പി.ശിവകുമാര്‍ പങ്കെടുത്തു.