കൊച്ചി: ഐ.എസ്.എല്ലിൽ എഫ്.സി ഗോവക്കെതിരായ മത്സരത്തിന്റെ ആദ്യ പകുതിയിൽ കേരളാ ബ്ലാസ്‌റ്റേഴ്‌സ് രണ്ടുഗോളുകൾക്ക് മുന്നിൽ. അഡ്രിയാൻ ലൂണ (42), ദിമിത്രിയോസ് ഡയമന്റകോസ് (45+1) എന്നിവരാണ് സ്‌കോറർമാർ. സഹൽ അബ്ദുസ്സമദ് പെനാൽറ്റി ബോക്‌സിനുള്ളിൽ നിന്ന് നൽകിയ പാസ് ലൂണ പോസ്റ്റിലേക്ക് ചെത്തിയിടുകയായിരുന്നു, 1- 0. ഇഞ്ചുറി ടൈമിൽ ലഭിച്ച പെനാറ്റി ദിമിത്രിയോസ് വലകുലുക്കുകയുംചെയ്തു, 2- 0.

നേരത്തെ മലയാളി താരങ്ങളായ സഹൽ അബ്ദുസ്സമദിനെയും കെ.പി രാഹുലിനെയും ഉൾപ്പെടുത്തിയാണ് പ്ലെയിങ് ഇലവൻ പ്രഖ്യാപിച്ചത്. നോർത്ത് ഈസ്റ്റ് യുനൈറ്റഡിനെതിരായ മത്സരത്തിലെ പ്രതിരോധ, മുന്നേറ്റ താരങ്ങളെ പരിശീലകൻ ഇവാൻ വുകമനോവിച്ച് അതുപോലെ നിലനിർത്തി.

മധ്യനിരയിൽ മാത്രമാണ് മാറ്റം വരുത്തിയത്. സൗരവ് മണ്ഡലിനു പകരം സഹൽ ഇടംനേടി. കഴിഞ്ഞ മത്സരത്തിലെ താരം ഇരട്ടഗോളടിച്ചിരുന്നു.

Kerala blasters fc goa match updation