ഇസ്താംബുള്‍: തുര്‍ക്കിയിലെ ഇസ്താംബുളിലുണ്ടായ ആറു പേരുടെ മരണത്തിനിടയാക്കിയ സ്‌ഫോടനത്തില്‍ ഒരാള്‍ അറസ്റ്റില്‍. ബോംബ് വെച്ചതെന്ന് സംശയിക്കുന്നയാളെയാണ് അറസ്റ്റ് ചെയ്തിരിക്കുന്നത്. ഇസ്താംബൂളിലെ തസ്‌കീന്‍ കച്ചവട തെരുവിലാണ് സ്‌ഫോടനമുണ്ടായത്. സ്‌ഫോടനത്തില്‍ 81 പേര്‍ക്ക് പരുക്കേറ്റിരുന്നു. മരണസംഖ്യ ഉയര്‍ന്നേക്കുമെന്നാണ് റിപ്പോര്‍ട്ടുകള്‍.

നിരവധി പേര്‍ എത്തുന്ന ഷോപ്പിങ് സ്ട്രീറ്റിലാണ് സ്‌ഫോടനമുണ്ടായത്. സ്‌ഫോടന ശബ്ദമുണ്ടായ ഉടനെ ആളുകള്‍ ചിതറി ഓടി. സ്‌ഫോടനത്തിന്റെ കാരണം എന്താണെന്ന് വ്യക്തമായിട്ടില്ല. തീവ്രവാദ ആക്രമണമെന്ന് സംശയിക്കുന്നതായി തുര്‍ക്കി പ്രസിഡന്റ് ഉര്‍ദുഗാന്‍ പ്രതികരിച്ചു.