തിരുവനന്തപുരം: അത്യാധുനിക സൗകര്യങ്ങളോടുകൂടിയ കെഎസ്ആര്‍ടിസിയുടെ എസി സൂപ്പര്‍ഫാസ്റ്റ് പ്രീമിയം സര്‍വീസ് യാത്രയ്ക്ക് തയ്യാറായി. 10 ബസുകളാണ് ആദ്യഘട്ടത്തില്‍ സര്‍വീസ് നടത്തുക. സൂപ്പര്‍ഫാസ്റ്റിനും എക്‌സ്പ്രസിനും ഇടയില്‍ ടിക്കറ്റ് നിരക്കുള്ള ബസില്‍ വൈഫൈ കണക്ഷന്‍, മ്യൂസിക് സിസ്റ്റം, പുഷ് ബാക്ക് സീറ്റ് എന്നീ സൗകര്യങ്ങള്‍ ഉണ്ടാകും. 40 സീറ്റുകളാണ് ബസില്‍ ഉള്ളത്.

യാത്രക്കാര്‍ക്ക് ടിക്കറ്റ് മുന്‍കൂട്ടി ബുക്ക് ചെയ്യാനുള്ള സൗകര്യമുണ്ട് മാത്രമല്ല ഇടയ്ക്ക് യാത്രക്കാര്‍ക്ക് ഭക്ഷണം കഴിക്കുന്നതിനായി ഗുണനിലവാരമുള്ള ഹോട്ടലുകളില്‍ സൗകര്യം ഒരുക്കും. തിരുവനന്തപുരം-കോഴിക്കോട്, കോഴിക്കോട്- തിരുവനന്തപുരം, തിരുവനന്തപുരം-പാലക്കാട്, പാലക്കാട്-തൃശൂര്‍ റൂട്ടുകളിലാണ് എസി സൂപ്പര്‍ഫാസ്റ്റ് പ്രീമിയം സര്‍വീസ് പരിഗണിക്കുന്നത്. 

ദേശീയപാത നിര്‍മാണം നടക്കുന്നതിനാല്‍ തുടക്ക സമയത്ത് എംസി റോഡിനാണ് മുന്‍ഗണന നല്‍കുന്നത്. കുറഞ്ഞ ചെലവില്‍ സൗകര്യപ്രദമായ യാത്രയാണ് അത്യാധുനിക സൗകര്യങ്ങളുമായി എത്തുന്ന എസി സൂപ്പര്‍ഫാസ്റ്റ് പ്രീമിയം സര്‍വീസിലൂടെ കെഎസ്ആര്‍ടിസി ലക്ഷ്യമിടുന്നത്. അടുത്ത ആഴ്ച മുഖ്യമന്ത്രി പിണറായി വിജയന്‍ സര്‍വീസുകള്‍ ഉദ്ഘാടനം ചെയ്യും.

Kerala State Road Transport Corporation (KSRTC) is set to launch its new AC Superfast Premium Service, offering faster and more comfortable travel options for commuters. The service will be inaugurated by the Chief Minister next week, marking a significant upgrade in the state's public transport system. This new initiative aims to enhance the travel experience while catering to the growing demand for premium bus services in Kerala.