ലണ്ടന്‍: ടെന്നീസ് ഇതിഹാസം റഫേല്‍ നദാല്‍ വിരമിച്ചു. സോഷ്യല്‍ മീഡിയയില്‍ പങ്കുവച്ച വീഡിയോയിലൂടെയാണ് 38കാരനായ നദാല്‍ വിരമിക്കല്‍ പ്രഖ്യാപനം നടത്തിയത്. 22 തവണ ഗ്രാന്‍ഡ് സ്ലാം ചാമ്പ്യനായ നദാല്‍ അടുത്ത മാസം മലാഗയില്‍ നടക്കുന്ന ഡേവിസ് കപ്പ് തന്റെ അവസാന ടൂര്‍ണമെന്റായിരിക്കുമെന്നും അറിയിച്ചു.

എന്റെ ഈ വരവ് 'പ്രൊഫഷണല്‍ ടെന്നിസില്‍നിന്ന് വിരമിക്കുന്ന കാര്യം നിങ്ങളെ അറിയിക്കാനാണ്. കുറച്ചുകാലമായി ഞാന്‍ ടെന്നിസില്‍ തുടരുന്നത് വളരെയധികം ബുദ്ധിമുട്ടിയാണ് പ്രത്യേകിച്ചും കഴിഞ്ഞ രണ്ടു വര്‍ഷം. പരിമിതികളില്ലാതെ കളിക്കാനാകുമെന്ന് ഞാന്‍ ഒരു കാലത്തും പ്രതീക്ഷിച്ചിരുന്നില്ല, എന്റെ കരിയറില്‍ ഉടനീളം നല്‍കിയ പിന്തുണയ്ക്ക് നന്ദി' നദാല്‍ പറഞ്ഞു.

14 ഫ്രഞ്ച് ഓപ്പണ്‍ കിരീടങ്ങള്‍ നേടിയ നദാല്‍ കളിമണ്‍ കോര്‍ട്ടില്‍ പകരക്കാരന്‍ ഇല്ലാത്ത താരമാണ്.  2005ലാണ് നദാല്‍ തന്റെ ആദ്യ ഫ്രഞ്ച് ഓപ്പണ്‍ കീരിടം നേടിയത്. അവസാനമായി 2022ലും. 2008ലെ ബീജിങ് ഒളിംപിക്‌സില്‍ സിംഗിള്‍സില്‍ സ്വര്‍ണം നേടിയ നദാല്‍, 2016ലെ റിയോ ഒളിംപിക്‌സില്‍ ഡബിള്‍സിലും ഡബിള്‍സിലും സ്വര്‍ണം നേടി. ഈ വര്‍ഷം നടന്ന പാരിസ് ഒളിംപിക്‌സില്‍ മെഡല്‍പ്പട്ടികയില്‍ ഇടംപിടിക്കാന്‍ നദാലിനായിരുന്നില്ല.

Rafael Nadal, one of the greatest tennis players of all time, has officially announced his retirement from professional tennis. Known for his fierce competitiveness and incredible achievements, including 22 Grand Slam titles, Nadal's decision marks the end of an iconic era in the sport. Fans and fellow players alike are reflecting on his unparalleled career and legacy.