കുസാറ്റില്‍ അസി. പ്രൊഫസര്‍, ടെക്‌നീഷ്യന്‍ ഒഴിവ്; ഇപ്പോള്‍ അപേക്ഷിക്കാം

കൊച്ചി• കൊച്ചി ശാസ്ത്ര സാങ്കേതിക സര്‍കലാശാല, കൊച്ചിന്‍ യൂനിവേഴ്‌സിറ്റി കോളജ് ഓഫ് എന്‍ജിനീയറിങ് കുട്ടനാട് (കുസെക്ക്) ല്‍ ടെക്‌നീഷ്യന്‍ ഗ്രേഡ് (I ) ഒഴിവിലേക്ക് കരാര്‍ നിയമനത്തിന് അപേക്ഷ ക്ഷണിച്ചു. പ്രതിമാസ വേതനം 21,175 രൂപയാണ്. ഓണ്‍ലൈനായി അപേക്ഷിക്കേണ്ട അവസാന തീയതി നവംബര്‍ 15. ബന്ധപ്പെട്ട രേഖകളുടെ പകര്‍പ്പ് നവംബര്‍ 20 നകം സര്‍വകലാശാലയില്‍ ലഭിക്കത്തവിധം അയക്കണം.

സ്‌കൂള്‍ ഓഫ് ലീഗല്‍ സ്റ്റഡീസില്‍ അസിസ്റ്റന്റ് പ്രൊഫസര്‍ (3) ഒഴിവുകളിലേക്ക് കരാര്‍ നിയമനത്തിന് അപേക്ഷ ക്ഷണിച്ചു. ലോ, കോമേഴ്ഷ്യല്‍ ലോ, കോമേഴ്‌സ്/ മാനേജ്‌മെന്റ് വിഷയങ്ങളിലാണ് നിയമനം. പ്രതിമാസ വേതനം 40000 രൂപ. പിഎച്ച്.ഡി ഉള്ളവര്‍ക്ക് 42000 രൂപ ലഭിക്കും. ഓണ്‍ലൈനായി അപേക്ഷിക്കേണ്ട അവസാന തീയതി നവംബര്‍ 20 ആണ്. ബന്ധപ്പെട്ട രേഖകളുടെ പകര്‍പ്പ് നവംബര്‍ 27 നകം സര്‍വകലാശാലയില്‍ ലഭിക്കത്തവിധം അയക്കണം.

ഓണ്‍ലൈന്‍ അപേക്ഷയും യോഗ്യതയും മറ്റ് വിവരങ്ങളും recruit.cusat.ac.in ല്‍ ലഭ്യമാണ്. സാക്ഷ്യപ്പെടുത്തിയ അപേക്ഷയോടൊപ്പം വയസ്, വിദ്യാഭ്യാസ യോഗ്യത, പ്രവൃത്തി പരിചയം, ജാതി തുടങ്ങിയവ തെളിയിക്കുന്ന രേഖകള്‍ രജിസ്ട്രാര്‍, അഡ്മിനിസ്‌ട്രേറ്റീവ് ഓഫിസ്, കൊച്ചി ശാസ്ത്ര സാങ്കേതിക സര്‍വകലാശാല, കൊച്ചി 22 എന്ന വിലാസത്തില്‍ അയക്കണം.