ദോഹ: ഖത്തര്‍ ലോകകപ്പില്‍ ആദ്യ പ്രീ ക്വാര്‍ട്ടറില്‍ യുഎസ്എയ്‌ക്കെതിരെ ഗ്രൂപ്പ് എ ജേതാക്കളായ നെതര്‍ലന്‍ഡ്‌സിന് ജയം. അമേരിക്കയെ ഒന്നിനെതിരെ മൂന്ന് ഗോളുകള്‍ക്ക് പരാജയപ്പെടുത്തി നെതര്‍ലാന്‍ഡ്‌സ് ക്വാര്‍ട്ടറില്‍ പ്രവേശിച്ചു.

യുഎസ്എയ്‌ക്കെതിരെ മത്സരം തുടങ്ങി പത്താം മിനിറ്റിലും ആദ്യ പകുതിയുടെ അധിക സമയത്ത് 46ാം മിനിറ്റിലും 81ാം മിനിറ്റിലുമാണ് നെതര്‍ലന്‍ഡ്‌സിന്റെ ഗോള്‍ നേട്ടം.മെംഫിസ് ഡീപേ, ഡാലെ ബ്ലിന്‍ഡ്, ഡെന്‍സല്‍ ഡംഫ്രിസ് എന്നിവര്‍ നെതര്‍ലന്‍ഡ്‌സിനായി വലകുലുക്കിയപ്പോള്‍ യുഎസിന്റെ ആശ്വാസ ഗോള്‍ ഹാജി റൈറ്റ് സ്വന്തമാക്കി. ഡച്ച് ടീമിന്റെ മനോഹരമായ ആദ്യ രണ്ട് ഗോളുകള്‍ക്കും ഡംഫ്രിസായിരുന്നു.

നെതര്‍ലന്‍ഡ്‌സ് 3412 ഫോര്‍മാറ്റിലും യു.എസ്.എ 433 ഫോര്‍മാറ്റിലുമാണ് കളിക്കുന്നത്. ഇന്ന് 12.30 ന് രണ്ടാം പ്രീക്വാര്‍ട്ടറില്‍ ഗ്രൂപ്പ് സി ജേതാക്കളായ അര്‍ജന്റീന ഗ്രൂപ്പ് ഡിയിലെ രണ്ടാം സ്ഥാനക്കാരായ ആസ്‌ത്രേലിയയെ നേരിടും.