ന്യൂഡല്‍ഹി: ലോകത്ത് ഏറ്റവുമധികം ആളുകള്‍ വീക്ഷിക്കുന്ന കായികമേളയായ ലോകകപ്പ് ഫുട്‌ബോളില്‍ ട്രോഫി അനാവരണം ചെയ്യാനുള്ള അപൂര്‍വ ബഹുമതി ഇന്ത്യന്‍ അഭിനേത്രി ദീപിക പദുക്കോണിന്. ഡിസംബര്‍ 18ന് ഫൈനല്‍ മല്‍സരത്തിനു മുമ്പ് ദോഹ ലുസൈല്‍ ഐക്കണിക്ക് സ്റ്റേഡിയത്തില്‍ ദീപിക ട്രോഫി അനാവരണം ചെയ്യുമെന്നാണ് റിപ്പോര്‍ട്ട്.

ചടങ്ങില്‍ പങ്കെടുക്കുന്നതിന് ദീപിക ഉടന്‍ ഖത്തറിലേക്ക് പറക്കുമെന്ന് പ്രതീക്ഷിക്കുന്നു. ഇത്തരമൊരു ബഹുമതി ലഭിക്കുന്ന ആദ്യ സിനിമാതാരമാണ് 36കാരി. കഴിഞ്ഞയാഴ്ച ഖത്തറില്‍ നടന്ന ഫിഫ ഫാന്‍ ഫെസ്റ്റില്‍ 'ലൈറ്റ് ദി സ്‌കൈ' എന്ന ലോകകപ്പ് ഗാനത്തിന് നോറ ഫത്തേഹി നൃത്തംചെയ്തിരുന്നു.

വരുന്ന ജനുവരി 25ന് റിലീസ് ചെയ്യാനിരിക്കുന്ന 'പത്താന്‍' എന്ന ചിത്രത്തില്‍ ഷാരൂഖ് ഖാന്‍, ജോണ്‍ എബ്രഹാം, ദീപിക പദുക്കോണ്‍ എന്നിവരാണ് പ്രധാന അഭിനേതാക്കള്‍.