കോതമംഗലം: സ്‌കൂള്‍ കോളജ് വിദ്യാര്‍ഥികള്‍ക്കിടയില്‍ കഞ്ചാവ് വില്‍പ്പന നടത്തിവന്നയാള്‍ പിടിയില്‍. പുന്നേക്കാട് മൂലേക്കുടി ജോസി(55) നെയാണ് എക്‌സൈസ് സംഘം പിടികൂടിയത്.
പുന്നേക്കാട് പ്രാഥമിക ആരോഗ്യ കേന്ദ്രത്തിന് സമീപത്തു നിന്നും കഞ്ചാവ് ചെറു പൊതികളായി സ്‌കൂട്ടറില്‍ സൂക്ഷിച്ച് വില്‍പന നടത്തി വരുന്നതിനിടയിലാണ് പിടിയിലായത്.
സ്‌കൂട്ടറിന്റെ പ്രത്യേകം അറകളിലായാണ് കഞ്ചാവ് സൂക്ഷിച്ചിരുന്നത്. സമാന രീതിയില്‍ നിരവധി കേസുകളിലെ പ്രതിയാണിയാള്‍.
ഉപഭോക്താക്കളായ വിദ്യാര്‍ത്ഥികളുടെ മൊബൈല്‍ നമ്പര്‍ പിന്തുടര്‍ന്നാണ് പ്രതിയെ പിടികൂടിയത്. പ്രതിയെ കോടതിയില്‍ ഹാജരാക്കി.