തിരുവനന്തപുരം: ശാന്തിഗിരി ആശ്രമം സ്ഥാപകന്‍ കരുണാകരഗുരുവിന്റെ നവതിയാഘോഷം 30നു രാവിലെ 11നു ഉപരാഷ്ട്രപതി മുഹമ്മദ് ഹമീദ് അന്‍സാരി ഉദ്ഘാടനം ചെയ്യുമെന്നു സ്വാമി ജനനന്മ, മധുപാല്‍, സുരേഷ് ടി.തമ്പി, എസ്. സേതുനാഥ് എന്നിവര്‍ വാര്‍ത്താസമ്മേളനത്തില്‍ അറിയിച്ചു. ഗവര്‍ണര്‍ പി.സദാശിവം അധ്യക്ഷനാകും. ആശ്രമം ഓര്‍ഗനൈസിങ് സെക്രട്ടറി സ്വാമി ഗുരുരത്‌നം ജ്ഞാനതപസ്വി, രാജ്യസഭാ വൈസ് ചെയര്‍മാന്‍ പി.ജെ.കുര്യന്‍, മന്ത്രി കെ.രാജു, എ.സമ്പത്ത് എം.പി, എം.എല്‍.എമാരായ കെ.രാജഗോപാല്‍, സി.ദിവാകരന്‍ തുടങ്ങിയവര്‍ പങ്കെടുക്കും. സെപ്റ്റംബര്‍ നാലിന് വൈകിട്ട് 5.30ന് നടക്കുന്ന സാംസ്‌കാരിക സമ്മേളനം കേന്ദ്ര മന്ത്രി രാജീവ് പ്രതാപ് റൂഡി ഉദ്ഘാടനം ചെയ്യും.