ഫലസ്തീൻ ജനതയോടുള്ള ഇസ്‌റാഈൽ ക്രൂരത അവസാനിപ്പിക്കുക ഒമാൻ എസ്ഐസി

മസ്കത്ത്: പാവപ്പെട്ട ഫലസ്തീൻ ജനതയോട് ഇസ്‌റാഈൽ കാണിക്കുന്ന ക്രൂരകൃത്യങ്ങൾ അവസാനിപ്പിക്കണമെന്ന് എസ്ഐസി ഒമാൻ നാഷണൽ കമ്മിറ്റിയുടെ ഒന്നാം വാർഷിക സമ്മേളനം ആവശ്യപ്പെട്ടു. മസ്കത്ത് സുന്നി സെന്റർ മദ്രസ ഹാളിൽ വെച്ച് നടന്ന വാർഷിക സമ്മേളനം നാഷണൽ കമ്മിറ്റി വൈസ് പ്രസിഡണ്ട് അബ്ദുല്ലത്തീഫ് ഫൈസി തിരുവള്ളൂർ അധ്യക്ഷത വഹിച്ചു. വർക്കിംഗ് സെക്രട്ടറി ഷുക്കൂർ ഹാജി ബോഷർ ഉദ്ഘാടനം ചെയ്തു. സെക്രട്ടറി ശുഐബ് പാപ്പിനിശ്ശേരി സ്വാഗതം പറഞ്ഞു.

വി ടി അബ്ദുറഹ്മാൻ ഫൈസി മുഖ്യ പ്രഭാഷണം നടത്തി. അബ്ബാസ് ഫൈസി, സക്കീർ ഫൈസി, ഹാഷിം ഫൈസി, സലാം ഹാജി, മുസ്തഫ നിസാമി, കെഎൻഎസ് മൗലവി എന്നിവർ സംസാരിച്ചു. ഡോക്ടർ ശൈഖ് അബ്ദുറഹ്മാൻ മുസ്‌ലിയാർ പ്രാർഥനക്ക് നേതൃത്വം നൽകി