ന്യൂയോര്‍ക്ക്: ഇന്ത്യന്‍ പുരുഷ ടെന്നീസ് താരം സാകേത് മൈനേനിക്ക് യു.എസ് ഓപണ്‍ സിംഗിള്‍സില്‍ മത്സരിക്കാന്‍ യോഗ്യത. ആദ്യമായാണ് താരം ടൂര്‍ണമെന്റിനു യോഗ്യത നേടുന്നത്. മൂന്നു മത്സരങ്ങളില്‍ മികച്ച വിജയം സ്വന്തമാക്കിയാണ് സാകേത് നേട്ടം സ്വന്തമാക്കിയത്. നിലവില്‍ 143ാം റാങ്കിലുള്ള സാകേത് ആദ്യ രണ്ടു മത്സരങ്ങളില്‍ അമേരിക്കന്‍ താരം മിച്ചല്‍ ക്ലൂഗറെയും ഫ്രാന്‍സിന്റെ ആല്‍ബാവോ ഒലിവെറ്റിയെയും പരാജയപ്പെടുത്തിയിരുന്നു.
ഇതോടെ സെര്‍ബിയന്‍ താരം പെഡ്ജ ക്രിസ്റ്റിനുമായുള്ള മത്സരം നിര്‍ണായകമായി. ഇതില്‍ അനായാസം ജയം നേടാന്‍ സാകേതിന് സാധിച്ചു. സ്‌കോര്‍ 6-3, 6-0.