കോഴിക്കോട്: ഹജ്ജ് തീര്‍ഥാടകര്‍ക്ക് പൊതുപണിമുടക്ക് തടസമാവാത്തവിധം ക്രമീകരിക്കാന്‍ ട്രേഡ് യൂനിയനും സര്‍ക്കാരും നടപടി സ്വീകരിക്കണമെന്ന് എസ്.കെ.എസ്.എസ്.എഫ് സംസ്ഥാന പ്രസിഡന്റ് സയ്യിദ് ഹമീദലി ശിഹാബ് തങ്ങളും ജന. സെക്രട്ടറി സത്താര്‍ പന്തലൂരും സംയുക്ത പ്രസ്താവനയില്‍ ആവശ്യപ്പെട്ടു. ഹജ്ജ് തീര്‍ഥാടകര്‍ കെ.എസ്.ആര്‍.ടി.സി മുഖേന റിസര്‍വേഷന്‍ ചെയ്തും മറ്റും യാത്രയ്ക്ക് ഒരുങ്ങിയിരിക്കുകയാണ്. ഇത്തരം സര്‍വിസുകള്‍ക്ക് ആവശ്യമായ ജീവനക്കാരെ ഉറപ്പുവരുത്തി വേണ്ട ക്രമീകരണങ്ങള്‍ മുന്‍കൂട്ടി നിശ്ചയിക്കാന്‍ ബന്ധപ്പെട്ടവര്‍ തയാറാവണമെന്നും അവര്‍ ആവശ്യപ്പെട്ടു.