കൊടുവള്ളി: നഗരസഭാ ആറാം ഡിവിഷന്‍ കളരാന്തിരിയില്‍ പ്രവര്‍ത്തിക്കുന്ന സിമന്റ് ഗോഡൗണ്‍ അടച്ചുപൂട്ടണമെന്നാവശ്യപ്പെട്ട് സിമന്റ് ഗോഡൗണ്‍ മലിനീകരണ വിരുദ്ധ സമിതി സംഘടിപ്പിച്ച സായാഹ്ന ധര്‍ണയില്‍ പ്രതിഷേധമിരമ്പി. കക്ഷി രാഷ്ട്രീയത്തിനതീതമായി പ്രദേശവാസികളും വ്യാപാരികളും പ്രതിഷേധത്തില്‍ അണിചേര്‍ന്നു. കാരാട്ട് റസാഖ് എം.എല്‍.എ ഉദ്ഘാടനം ചെയ്തു.
കര്‍മ്മസമിതി ചെയര്‍മാന്‍ വി.സി അബൂബക്കര്‍ മാസ്റ്റര്‍ അധ്യക്ഷനായി. കൊടുവള്ളി നഗരസഭാധ്യക്ഷ ശരീഫ കണ്ണാടിപ്പോയില്‍, ക്ഷേമ കാര്യ സ്ഥിരം സമിതി ചെയര്‍മാന്‍ കെ.ബാബു, ആരോഗ്യ സ്ഥിരം സമിതി അധ്യക്ഷ വി.സി നൂര്‍ജഹാന്‍, യൂസുഫ് കരീറ്റിപ്പറമ്പ്, അഹമ്മദ് കോയ, ടി.കെ ശംസുദ്ധീന്‍, യു.പി മജീദ്, ഗഫൂര്‍ പുത്തന്‍പുരയില്‍,കെ.എം.സി റസാഖ് സംസാരിച്ചു. ധര്‍ണയ്ക്ക് ജിജില്‍, സി.പി അശോകന്‍, മുല്ലക്കോയ തങ്ങള്‍, മേടോയില്‍ മുഹമ്മദ് ഹാജി, എം.വി നാസര്‍, പി.കെ മൊയ്തീന്‍, സാലി മേലേതൊടുക, മുജീബ് നേതൃത്വം നല്‍കി.