ഗൂഡല്ലൂര്‍: മുതുമല വന്യജീവി സങ്കേതത്തില്‍ കൊമ്പ് മുറിഞ്ഞ കാട്ടാനയെ കണ്ടെത്തി. ഊട്ടിയില്‍ നിന്നെത്തിയ വിനോദ സഞ്ചാരികളാണ് കൊമ്പു മുറിഞ്ഞ നിലയില്‍ ആനയെ കണ്ടെത്തിയത്. തുടര്‍ന്ന് സഞ്ചാരികള്‍ വനംവകുപ്പിന് വിവരം നല്‍കുകയായിരുന്നു. മുതുമല കടുവാ സംരക്ഷണ കേന്ദ്രം ഫീല്‍ഡ് ഡയറക്ടര്‍, എ.സി.എഫ് പുഷ്പാകരന്‍ എന്നിവരുടെ ഉത്തരവിനെത്തുടര്‍ന്ന് ആനയെ നിരീക്ഷിക്കാന്‍ 16 അംഗ വനംവകുപ്പ് സംഘത്തെ നിയോഗിച്ചിട്ടുണ്ട്. ഇവര്‍ ആനയെ നിരീക്ഷിച്ച് വരികയാണ്. ആവശ്യമെങ്കില്‍ ആനക്ക് ചികിത്സ നല്‍കാനുള്ള ഒരുക്കങ്ങളും നടത്തിയിട്ടുണ്ട്.