കല്‍പ്പറ്റ: നാലേകാല്‍ കിലോ കഞ്ചാവുമായി മൂന്നുപേരെ പൊലിസ് പിടികൂടി. കര്‍ണാടകയിലെ ബൈരക്കുപ്പയില്‍ നിന്നും വയനാട് ജില്ലയിലേക്ക് കഞ്ചാവു കടത്തുകയായിരുന്ന ബൈരക്കുപ്പ സ്വദേശികളായ അപ്പു, ശിവലിംഗം, സീതാമൗണ്ട് അംബേദ്കര്‍ കോളനിയിലെ ബാലന്‍ എന്നിവരാണ് പിടിയിലായത്.
പുല്‍പ്പള്ളി ഗൃഹൂരില്‍ നിന്നുമാണ് പൊലിസ് ഇവരെ വലയിലാക്കിയത്. ഇവരില്‍ നിന്ന് നാലേകാല്‍ കിലോ കഞ്ചാവും പിടിച്ചെടുത്തിട്ടുണ്ട്. വയനാട് ജില്ലാ പൊലിസ് മേധാവി കെ കാര്‍ത്തിക്കിന് ലഭിച്ച രഹസ്യ വിവരത്തിന്റെ അടിസ്ഥാനത്തില്‍ നടത്തിയ അന്വേഷണത്തിലാണ് ഇവര്‍ പിടിയിലായത്.
നര്‍ക്കോട്ടിക്ക് സ്‌ക്വോഡ് അംഗങ്ങളായ കെ. ജയചന്ദ്രന്‍, പി. അബ്ദുറഹിമാന്‍, പ്രമോദ്, പത്മനാഭന്‍, ഉസ്മാന്‍, ഹക്കീം, പുല്‍പ്പള്ളി എസ്.ഐ പി അബ്ദുല്‍ ബഷീര്‍, സബ് ഇന്‍സ്‌പെക്ടര്‍ ടി.പി മാത്യു എന്നിവര്‍ ചേര്‍ന്നാണ് പ്രതികളെ പിടികൂടിയത്.