ഇനി ബള്‍ക്കായി സിം എടുക്കാനാവില്ല

ഇനി പണ്ടത്തെപ്പോലെ സിം കാര്‍ഡ് എടുക്കാനാവില്ല. സിം കണക്ഷനെടുക്കുന്നതില്‍ ഡിസംബര്‍ 1 മുതല്‍ കര്‍ശന നിയമം നടപ്പിലാക്കുകയാണ് ടെലികമ്യൂണിക്കേഷന്‍ വകുപ്പ്. വ്യാജ സിം ഉപയോഗിച്ചുള്ള തട്ടിപ്പ് കൂടുന്ന സാഹചര്യത്തിലാണ് പുതിയ തീരുമാനം. ഇനി എല്ലാ ഡീലര്‍മാരും കൃത്യമായ വേരിഫിക്കേഷന്‍ നടപടിയ്ക്ക് വിധേയമാകണം.

ഇതില്‍ അപാകതകള്‍ കണ്ടെത്തിയാല്‍ പത്ത് ലക്ഷം രൂപ പിഴയടക്കേണ്ടിവരും. കൂടാതെ ബിസിനസ് കണക്ഷന് മാത്രമേ ബള്‍ക്കായി സിം എടുക്കാനാവൂ. അതേസമയം ഒരു ഐഡിയില്‍ 9 സിം എടുക്കാമെന്ന വ്യവസ്ഥയില്‍ മാറ്റമില്ല.

അതുപോലെ തന്നെ ഒരു സിം നമ്പറിലുള്ള കണക്ഷന്‍ ഒരാള്‍ വിച്ഛേദിച്ച് 90 ദിവസത്തിന് ശേഷം മാത്രമേ മറ്റൊരാള്‍ക്ക് ആ നമ്പര്‍ നല്‍കാന്‍ പാടുള്ളൂ. കൂടാതെ ഒരേ നമ്പറില്‍ മറ്റൊരു സിം എടുക്കുന്ന സാഹചര്യത്തില്‍ 24 മണിക്കൂറിനുള്ളില്‍ ഉപഭോക്താവ് എസ്എംഎസ് സംവിധാനം വഴി കെവൈസി പൂര്‍ത്തിയാക്കിയിരിക്കണം.