തിരുവനന്തപുരം: ടൈറ്റാനിയത്തില്‍ ജോലി വാഗ്ദാനം ചെയ്തു നിരവധി പേരില്‍നിന്ന് ലക്ഷങ്ങള്‍ വാങ്ങി തട്ടിപ്പ് നടത്തിയ കേസിലെ പ്രധാന പ്രതി ശ്യാംലാലിനെ പൊലിസ് കസ്റ്റഡിയിലെടുത്തു. കേസ് അന്വേഷിക്കുന്ന പ്രത്യേക അന്വേഷണസംഘം ഇയാളെ ചോദ്യം ചെയ്ത് വരികയാണ്.

തട്ടിപ്പുമായി ബന്ധപ്പെട്ട് ഇതുവരെ രജിസ്റ്റര്‍ ചെയ്ത 14 കേസുകളിലും പ്രതിയാണ് ശ്യാംലാല്‍. ഇന്റര്‍വ്യൂ ചെയ്യുന്നതിനായി ഉദ്യോഗാര്‍ത്ഥികളെ ടൈറ്റാനിയത്തില്‍ എത്തിച്ചത് ശ്യാംലാലാണെന്ന് നേരത്തെ കണ്ടെത്തിയിരുന്നു. ഇടനിലക്കാരായി പ്രവര്‍ത്തിച്ച ദിവ്യ നായര്‍, അഭിലാഷ് എന്നിവരെ നേരത്തെ പിടികൂടിയിരുന്നു. ഇതോടെ മറ്റ് പ്രതികള്‍ ഒളിവില്‍ പോകുകയായിരുന്നു. മറ്റൊരു പ്രധാന പ്രതി ടൈറ്റാനിയം ലീഗല്‍ ഡി.ജി.എം ശശികുമാരന്‍ തമ്പിയെ പിടികൂടാനായിട്ടില്ല.