വേങ്ങര: വേങ്ങര ബ്ലോക്കും മണ്ഡലവും തരിശ്‌രഹിതമാക്കുന്നതിനു നെല്‍കൃഷി വികസന പദ്ധതി പ്രകാരം ചേര്‍ന്ന യോഗം വേങ്ങര സി.എച്ച്.സി ഓഡിറ്റോറിയത്തില്‍ ബ്ലോക്ക് പഞ്ചായത്ത് പ്രസിഡന്റ് പി.കെ അസ്‌ലു ഉദ്ഘാടനം ചെയ്തു.
തരിശുനില നെല്‍കൃഷിയില്‍ സംസ്ഥാന അവാര്‍ഡ് നേടിയ എ.ആര്‍ നഗര്‍ ഗ്രാമപഞ്ചായത്തിനെ വേങ്ങര ബ്ലോക്ക് പഞ്ചായത്ത് ഉപഹാരം നല്‍കി ആദരിച്ചു.
പഞ്ചായത്ത് പ്രസിഡന്റുമാര്‍, കൃഷി ഓഫിസര്‍മാര്‍, പാടശേഖര സമിതി ഭാരവാഹികള്‍ എന്നിവര്‍ പങ്കെടുത്തു. എ.ആര്‍ നഗര്‍ കൃഷി ഓഫിസര്‍ പി.വി ശൈലജ പഞ്ചായത്തിന്റെ വിവിധ പ്രവര്‍ത്തനങ്ങള്‍ വിശദീകരിച്ചു.