കോട്ടക്കല്‍: ഒരേ വിലാസത്തില്‍ രണ്ട് വ്യത്യസ്ത ആധാര്‍. ഒതുക്കുങ്ങല്‍ നൊട്ടനാലക്കല്‍ സ്വദേശിയായ രണ്ടു വയസുകാരിക്കാണു കഴിഞ്ഞ ദിവസം രണ്ടു വ്യത്യസ്ത ആധാര്‍ ലഭിച്ചത്. ആദ്യത്തേതില്‍ ശരിയായ പേരും വിലാസവും ചിത്രവും ഉണ്ട്. എന്നാല്‍ ഇതോടൊപ്പംതന്നെ ഇതേ കുട്ടിക്കു മറ്റൊരു ആധാറും ലഭിച്ചു.
രണ്ടാമത്തേതില്‍ വിലാസം കൃത്യമാണെങ്കിലും മറ്റേതോ കുട്ടിയുടെ ചിത്രമാണു വന്നിരിക്കുന്നത്. ആധാര്‍ നമ്പറിനും വ്യത്യാസമുണ്ട്.