പയ്യന്നൂര്‍: കരിവെള്ളൂരില്‍ ദേശീയ പാതയോരത്ത് വീണ്ടും മാലിന്യം തള്ളല്‍. പാലത്തര ബസ് സ്റ്റോപ്പിന് സമീപത്തായാണ് വലിയ തോതില്‍ മാലിന്യങ്ങള്‍ വലിച്ചെറിഞ്ഞത്. കഴിഞ്ഞ ദിവസം രാത്രിയിലാണ് സംഭവം. പ്ലാസ്റ്റിക്ക്, തെര്‍മോകോള്‍ ഉള്‍പ്പടെയുള്ള അജൈവ മാലിന്യങ്ങളാണ് തള്ളിയത്. കഴിഞ്ഞ ഒരു മാസത്തിനിടെ ഇത് രണ്ടാം തവണയാണ് ഇവിടെ മാലിന്യങ്ങള്‍ തള്ളുന്നത്. ഏതാനും ദിവസങ്ങള്‍ക്ക് മുമ്പ് സമാനമായ രീതിയില്‍ കരിവെള്ളൂരില്‍ മാലിന്യങ്ങള്‍ തള്ളിയിരുന്നു. ഇതിന് ശേഷം പ്രദേശവാസികള്‍ ഇവിടെ നിരീക്ഷണം നടത്തിയിരുന്നു. തുടര്‍ന്ന് ഇടക്കാലത്ത് ഇത് നിലച്ചിരുന്നെങ്കിലും വീണ്ടും മാലിന്യം തള്ളല്‍ ആരംഭിച്ചിരിക്കുകയാണ്.