ചെറുപുഴ : കോണ്‍ഗ്രസ് പ്രവര്‍ത്തകരുടെ പ്രകടനം കാരണം സി.പി.എമ്മിന്റെ സാംസ്‌കാരിക പരിപാടി തടസ്സപ്പെട്ടുവെന്നാരോപിച്ച് ചെറുപുഴ ടൗണില്‍ കോണ്‍ഗ്രസ്, സി.പി.എം സംഘട്ടനം. ഇതിനെ തുടര്‍ന്ന് ഏറെ നേരം ഗതാഗതം മുടങ്ങി. മലയോര ഹൈവേ നിര്‍ത്തിവെക്കാനുള്ള സര്‍ക്കാര്‍ ഉത്തരവിനെതിരെ ചെറുപുഴ ബസ് സ്റ്റാന്റ് പരിസരത്ത് നടന്ന പ്രതിഷേധ കൂട്ടായ്മയ്ക്ക് ശേഷം നടത്തിയ പ്രകടനം കാരണം സി.പി.എം സംഘടിപ്പിച്ച സാംസ്‌കാരിക പരിപാടി തടസപ്പെട്ടുവെന്നാരോപിച്ചാണ് പ്രവര്‍ത്തകര്‍ തമ്മില്‍ ഉന്തും തള്ളുമുണ്ടായത്. പൊലിസിന്റെ സമയോചിതമായ ഇടപെടലുകള്‍ കാരണം സംഘര്‍ഷമൊഴിവായി.