മധൂര്‍: ശ്രീ ബൊഡ്ഡജ്ജ യക്ഷ ഭാരതി കലാ സംഘത്തിന്റെ അഞ്ചാം വാര്‍ഷികത്തോടനുബന്ധിച്ച് മധൂര്‍ ശ്രീ മദനന്തേശ്വര സിദ്ധി വിനായക ക്ഷേത്ര പരിസരത്ത് അഞ്ചു ദിവസങ്ങളിലായി നടന്ന യക്ഷോത്സവം സമാപിച്ചു.
സമാപന സമ്മേളനം ബ്രഹ്മശ്രീ രവീശ തന്ത്രി കുണ്ടാര്‍ ഉദ്ഘാടനം ചെയ്തു. കലാസംഘം പ്രസിഡന്റ് ബി. ബാലകൃഷ്ണ അഗ്ഗിത്തായ അധ്യക്ഷനായി.
കെ.കമലാക്ഷ വിദ്യാനഗര്‍, ഗംഗാധര തെക്കേമൂല, രാജാരാമ മധ്യസ്ഥ, എം.വേണു ഗോപാല കല്ലൂരായ, പ്രതാപ കുമ്പള, ഷേണി വേണു ഗോപാല ഭട്ട്, സുധാകര കല്ലൂരായ തുടങ്ങിയവര്‍ ചടങ്ങില്‍ സംസാരിച്ചു.
വിവിധ രംഗങ്ങളില്‍ സേവനമനുഷ്ഠിച്ച ബി.മാധവ ഹൊള്ള, റിട്ട. ഡെപ്യൂട്ടി കലക്ടര്‍ ബി. ബാലകൃഷ്ണ അഗ്ഗിത്തായ, കെ.എന്‍ വെങ്കിട്രമണ ഹൊള്ള, തുകാരാമ ആചാര്യ,
കെ. ചന്ദ്രഹാസ മധൂര്‍, ആനന്ദ അടൂര്‍, യുവ പ്രതിഭകളായ പത്മപ്രിയ കല്ലൂരായ, പവന്‍ കുമാര്‍ കല്ലൂരായ എന്നിവരെ രവീശ തന്ത്രി പൊന്നാടയണിയിച്ചു. ഗരുഡ ഗര്‍വ്വ ഭംഗ എന്ന കഥാഭാഗത്തിന്റെ യക്ഷഗാന പരിപാടി നടന്നു.